Kaizer Chiefs malugana na u huvhala ha Mduduzi Shabalala
Vha Kaizer Chiefs vho khwathisedza uri Mduduzi Shabalala u do ita muaro nga murahu ha musi o huvhala vhukuma kha tshanda nga Lavhuraru.
O huvhala nga tshifhinga tsha khaedu na Jayden Adams wa Mamelodi Sundowns kha mutambo wa Betway Premiership Stadium tsha Loftus.
Mutambi wa minwaha ya 22 o do bvisiwa kha mutambo nge shada lawe la vha lo bva vhudzuloni.
Zwino vha Amakhosi vho khwathisedza uri ndingo dzo sumbedza uri Mduduzi Shabalala o vunḓea marambo vhukati ha shaḓa na lukudavhavha.
U huvhala hawe zwi amba uri u do vha a siho kha mutambo lwa khalanwaha yothe, Chiefs i khou lavhelela uri u do dzhia vhege thanu uya kha dza rathi uri a fhole.
Mutambi wa vhukati o gidimiselwa vhuongeloni nga murahu ha u huvhala nahone zwa zwino u khou wana thuso ya zwa mishonga sa izwi hu tshi khou itwa ndugiselo dza u ita muaro.
Vha Chiefs vho dovha vha tamela mashudu mutambi uyu uri a ite mushumo wavhuḓi na u fhola nga u ṱavhanya.
Adams o dovha a humbela pfarelo, a tshi tamela mashudu Shabalala uri a fhole nga u ṱavhanya nga murahu ha mutambo kha zwileludzi zwa vhudavhidzani.