Vhaḓivhalea

Potego o ṱana mafhungo a mbingano yawe kha shango 

Tshitshavha tsha bola ya milenzhe fhano Afrika Tshipembe tsho tshuwiswa nga tshiwo tsho iteaho kha mutambi wa kale wa Polokwane City Thabiso Semenya.

Kha sesheni ya Instagram Live i fhisaho, mufumakadzi wa Thabiso, Vho-Potego Semenya, vho sumbedza u timatima huhulwane nga ha mbingano yavho.

Kha vidio ine ya khou tshimbila kha zwileludzi zwa vhudavhidzani , Potego ane a vhonala o tsikeledzea o sumbedza mavharivhari mahulwane a u sa fulufhedzea ha mutambi wa bola ya milenzhe.

‘NO EDELA NA KHALADZI ANU’

Tshithu tsho tshuwisaho vhukuma tshe tsha bvelela nga tshifhinga tsha tshiṱori tsho vha tshi tshi kwama nḓila ye vhavhingani vha vha vha tshi dzula ngayo hayani havho.

Potego u pomoka Thabiso Semenya uri o vha e kha vhushaka ha tshifhinga tshilapfu na ṅwana wa khaladzi awe.

Vho amba uri mufumakadzi uyu hu pfi o vhifha muvhilini nahone munna wawe ndi ene khotsi a ṅwana.

Mutsireledzi wa minwaha ya 43 o vha a tshi divhea nga u difara zwavhudi mudavhini musi a kha Platinum Stars na Polokwane City.

U swika nga Ḽavhuraru vhusiku, Vho-Thabiso Semenya vho vha vha sa athu fhindula kha mavharivhari aya.