Pirates yo dzhia tshiphuga, yo fhelisa gomelelo ḽa miṅwaha ya 14

Orlando Pirates yo fhedza yo vha muwini wa Betway Premiership — nahone yo fhelisa gomelelo ḽa miṅwaha ya 14.

Buccaneers yo fhedza khalanwaha  nga Mugivhela nga u wina tshiphuga tsha ligi.

Tshiphuga itshi tshi tevhela dziṅwe khaphu mbili ye ya wina mathomoni a ino khalanwaha, MTN8 na Carling Knockout.

U bvelela hu swaya khalanwaha i takadzaho ya u kunda luraru kha vhahali vha Soweto.

Orlando pirates yo wina mitambo ya betway premiership nga u kunda orbit college nga zwikoro zwivhili kha gumba nga mugivhela nga masiari.

Naho vho vha vha tshi khou vhusa mutambo, vho vha vha tshi khou tambula nga u wana murahu ha nethe.

Fhedzi Buccaneers yo vha na mashudu  a u kora  hu sa thu swika tshifhinga tsha u awela.

• VHALANI HAFHU  : Sipho Mbule o nnḓa siiwa nga tshigwada tsha bafana bafana

Mutsireledzi wa Orbit Sabelo Nkomo o sokou i posa kha nethe yawe.

Ya vhuvhili yo vha i pfumo ḽe ḽa ṱhavha hayani musi Ndumiso Ngiba a tshi rahela kha nethe ya hayani.