Glody Lilepo o wana garaṱa tswuku musi a tshi tamba na AmaZulu

Mugudisi wa thimu ya kaizer chiefs vho Cedric kaze vho sumbedza u dinalea havho malugana na garaṱa tswuku ye Glody lilepo a wana nga Mugivhela.

Lilepo o vha e muhali, fhedzi hu si kale o di wana a tshi khou vhea thimu khomboni nga murahu ha musi o no kora tshikoro tsha u kunda musi a tshi tamba na AmaZulu FC.

Mutambi wa vhukati wa Congo o kora nga miniti ya vhu 68 kha mutambo wa Betway Premiership stadium tsha Moses Mabhida ngei Durban.

Tshikoro tsho ita uri Chiefs i kunde nga 1-0, na u khwaṱhisa vhuimo hayo ha vhuraru kha logo musi i tshi vula tshikhala tsha poindi dza 10 .

Fhedzi u pembelela hawe tshikoro zwo vha zwi tshi khou vhaisa musi a tshi bvula jeresi yawe.

Hezwi zwo ita uri a wane yellow card ya vhuvhili, na u bvisiwa hawe kha mutambo.

Kaze uri tshiwo itshi tshi khou nyadzisa, nga maanda musi Glody Lilepo a tshi khou ṱoḓa u sa tamba mutambo wa u fhedzisela wa ligi ya Chiefs kha ino khalanwaha.

“Ri tea u ḓilonda ngauri o vha o no vha na yellow card nahone o bvula tshikipa tshawe musi a tshi khou pembelela” ndi Kaze.

• VHALANI HAFHU: Shudufhadzo Musida o wana digirii ya Master’s kha yunivesithi ya Muloro yawe

“Zwi amba uri a ri nga ḓo vha nae kha mutambo wa u fhedzisela, zwine zwa vha nyimele mmbi.”