Junior Khanye u amba nga vhutungu ha vhatikedzi vha Pirates
Junior Khanye uri thimu ya orlando pirates yo sia vhatikedzi vhayo vho vhaisala mbilu nga murahu ha u kundelwa u fhelisa muṱaṱisano wa u dzhia tshiphuga tsha Betway premiership.
Buccaneers yo tamba 0-0 na Durban City ngei Orlando Amstel Arena nga Mugivhela, zwa lengisa u pembelela tshiphuga tshayo.
Pirates yo sala kha vhuimo ha vhuvhili nga phoindi dza 66, i murahu ha Mamelodi Sundowns nga phoindi mbili.
Nga fulufhelo ḽihulwane phanḓa ha mutambo, vhanzhi vho vha vha tshi tenda uri Pirates i ḓo kunda vhahali vha Nedbank Cup.
Nṱhani hazwo, zwino tshigwada tsha Soweto tshi fanela u kunda Orbit College FC ngei Mbombela mafheloni a vhege u itela u dzhia tshiphuga kha tshigwada tsha Sundowns.
Khanye uri u dinalea ha vhatikedzi vha Pirates zwo muhumbudza vhutungu hawe ha mbiluni.
“Zwine zwo itea kha Orlando Pirates zwi fana na zwine zwa itea kha mufumakadzi, kana musidzana nga duvha lawe la mabebo,” Khanye o amba kha iDiski TV.
“Zwoṱhe u di ita ene muṋe, u renga khekhe, u renga zwinwiwa zwine a zwi funesa na zwiṅwe zwithu zwine a zwi takalela.
“A tshi vhuya hayani a lugisela kha tafula, inwi na sa vhuye hayani helia duvha.
“Zwi a ṱungufhadza vhukuma. Ndi pfela vhuṱungu vhatikedzi vha Orlando Pirates.”
Muhali we a ḓiitela dzina kha Kaizer Chiefs o dovha a amba nga thimu ye ya thoma mutambo.
- VHALANI HAFHU: Orlando Pirates yo sia vhatikedzi vhayo vho dinalea vhukuma
“Thimu ye ya thoma mutambo yo mmangadza.Ndo mangala Ouaddou a thoma na Selepe kha mutambo u fanaho na uyu,” o bvela phanḓa.
“Muthannga o wana yellow card nga minete wa vhu 20, a zwi ngo mangala naluthihi.”