Orlando Pirates yo sia vhatikedzi vhayo vho dinalea vhukuma
Orlando pirates yo sia vhatikedzi vhayo vho ḓalaho Orlando Amstel Arena vho dinalea.
Izwi zwo tevhela musi thimu i tshi kundelwa u kunda mutambo wayo na Durban City mudavhini nga Mugivhela.
U kunda ha Orlando Pirates zwo vha zwi tshi ḓo vha zwo khwaṱhisa tshiphuga tshavho sa vhahali vha Betway Premiership hu tshi kha ḓi vha na mutambo muthihi.
Fhedzi zwino ngauri vho no tamba draw na City, vha khou sala murahu nga phoindi mbili kha tshigwada tshine tsha khou ranga phanḓa tsha Mamelodi Sundowns.
Zwino thimu ya Abdeslam Ouaddou i tea u wina mutambo wayo wa u fhedzisela na Orbit College nga Mugivhela.
Arali vha kundelwa u ita ngauralo – nga u kundwa kana nga u lingana – Sundowns i ḓo vha yo no wina tshiphuga.
Arali zwa itea, zwi ḓo amba uri vha ḓo isa phanḓa na u vhusa kha ligi sa izwi vha tshi ḓo vha vha tshi khou dzhia tshiphuga tshavho tsha vhuṱahe nga u tevhekana.
Ouaddou, o tenda uri Orlando Pirates i tea u vha na muhumbulo wo khwathaho musi i tshi sedzana na thimu dzine dzo diimisela u thithisa mutambo nga u sa tamba zwavhudi.
“Ri tea u vha na vhuṱali vhukuma musi ro sedzana na hedzi tshaka dza thimu dzine dza ḓa fhano u ri raha,” ho amba mugudisi.
O bvisela khagala uri vhatambi vhawe vha vhonala vha tshi khou fhelelwa nga maitele musi vho sedzana na thimu ine ya dzula murahu yo khwaṱhisa mulenzhe wayo.