Pirates i khou isa phanḓa na u khwaṱhisa nga vhatambi vhaswa
Hu khou pfala uri Orlando Pirates yo kunda nndwa ya u saina mutambi we ya vha i tshi khou ṱaṱisana na Mamelodi Sundowns sa izwi i tshi khou isa phanḓa na u saina vhatambi vhaswa.
Uya nga ha muvhigo wa FARPost, mutambi wa Golden Arrows, Siyanda Ndlovu o sainiwa nga Pirates zwi tshi tevhela khalanwaha yavhudi kha Bafana Bes’thende.
Hu pfi Pirates yo swikelela thendelano na Arrows malugana na u fhiriselwa ha mutambi uyu, nahone ene mune Ndlovu o tendelana na zwipikwa zwa thendelano.
Hezwi zwi khou da musi Pirates i tshi khou isa phanda na u khwathisa tshigwada tshayo phanda ha season ntswa ya 2026/27.
Kiḽaba zwenezwino yo ḓivhadza u swika ha Vho-Neo Rapoo, Bohlale Ngwato, Gamphani Lungu, Sbangani Zulu na Vho-Mthetheleli Mthiyane.
Ndlovu ndi munwe wa vhatambi vhe vha ambiwa nga havho kha khalanwaha yo fhelaho nga murahu ha musi vho tamba zwavhudi nga fhasi ha mugudisi Manqoba Mngqithi.
U tamba hawe zwavhuḓi zwo ita uri a vhe mutambi wa u thoma wa Arrows u wina pfufho ya Mutambi wa Ṅwedzi wa Betway Premiership.
Mutambi uyu o dovha a wina pfufho ya Tshikoro tsha Ṅwedzi nga tshikoro tsha vhuṱali tshe a tshi kora musi a tshi tamba na Stellenbosch FC.
Orlando Pirates i do vhuyelela kha Caf Champions League khalanwaha i daho, ndi ngazwo i tshi khou engedza vhatambi kha tshigwada tshayo tsho no dzhenaho.