Thikhithi dza mutambo wa Pirates dzo fhela dzothe nga u tavhanya

Vhatikedzi vha Orlando Pirates vho dovha vha sumbedza uri ndi ngani vha tshi dzhiiwa sa vhatikedzi vha bola ya milenzhe vhane vha vha na lufuno vhukuma kha shango.

Hezwi ndi nga murahu ha musi thikhithi dza mutambo wa u fhedzisela wa hayani wa kilabu wa khalanwaha dzo rengiswa hu sa athu fhela awara.

Kiḽaba yo khwaṱhisedza uri thikhithi dzoṱhe dza mutambo wa ndeme wa Betway Premiership wa Mugivhela ngei Amstel Arena Orlando dzo fhela hu sa athu fhela awara dza 24 u bva tshe dza thoma u rengiswa.

Thengiso yo vula lwa tshiofisi nga Musumbuluwo nga masiari, fhedzi nga Ḽavhuvhili nga masiari, ho vha hu si tshena .

Zwi sumbedza dakalo ḽine ḽa vha hone zwa zwino u mona na vhahali vha Soweto.

Vha kha fulo ḽi konḓaho musi vha tshi khou isa phanḓa na u tovhola zwine zwa nga vha khalanwaha khulwanesa kha ḓivhazwakale ya musalauno ya kilabu.

Orlando pirates yo no wina zwiphuga zwivhili kha ino khalanwaha nga murahu ha u takula MTN8 na Carling Knockout.

Zwino, Sea Robbers i na muloro wa u fhedza nga zwiphuga zwiraru na u engedza tshiphuga tsha Betway Premiership.

Tshigwada tsha Abdeslam Ouaddou tshi kha ḓi vha murahu ha Mamelodi Sundowns nga poindi tharu kha mbambe ya u dzhia tshiphuga.

Fhedzi Orlando Pirates i kha di fara mutambo wa ndeme nga tshanda nahone i khou di rwa nga phambano ya zwikoro zwavhudi.

• VHALANI HAFHU :Galaxy yo thithisa vhukuma ndivho dza Sundowns

Hezwi zwi ṋea vhatikedzi vhayo lutendo lwa vhukuma lwa uri u lindela tshifhinga tshilapfu tsha u wana tshiphuga tsha ligi zwi nga fheleledza zwo swika magumoni.

Mupo wa Orlando Amstel Arena zwino u khou lavhelelwa u takadza sa izwi vhatikedzi vha zwigidi vha tshi do kuvhangana henefho.