Brandon Truter o talutshedza zwiitisi zwa u hana kilabu ya PSL

Mugudisi  Brandon Truter u na fulufhelo ḽa uri u ḓo wana mushumo hu si kale nga murahu ha musi o hana tshikhala tsha u dzhena kha kilabu ya PSL vhege yo fhiraho.

Truter o vha a tshi khou tea u dzhena kha Black Leopards fhedzi nga murahu a hana mushumo nga murahu ha musi o no ya Limpopo u ṱola nyimele dza mushumo kha kilabu.

Lidoda Duvha vho dzhia vho-Duncan Lachesa na Vho-Sundra Govender uri vha range phanḓa tshigwada sa vhagudisi nga murahu ha musi vho fhambana na Vho-Mabhudi Khenyeza.

Vhenevha vhavhili vho no vhuya vha shuma vhoṱhe kale ngei Polokwane City.

Truter o khwathisedza lwendo lwawe lwa u ya Limpopo musi a tshi khou vula nga ha vhushaka hawe ha mushumo na Khenyeza musi a tshi swika kha Leopards vhege yo fhelaho.

“Ee, ndo ita lwendo lwa u ya Limpopo nahone nda fhedza maḓuvha a si gathi na tshigwada.

“Ndi fanela u khwaṱhisedza uri nṋe na Mabhudi Khenyeza ri ḓiphina nga vhushaka havhuḓi.

“O ṱutshela Black Leopards nga murahu ha musi nṋe ndo no ṱuwa kale,” ho amba munna we a vha a tshi vhidzwa nga dzina ḽa u ḓihudza ḽa ‘Brakkies’, musi a tshi amba na KickOff.

• VHALANI HAFHU: Lekwane u tsireledza Rele Mofokeng kha u sasaladzwa

“Ndo ṱutshela club ngauri ro vha ri sa kho u wanana. Ndo vha ndi sa ḓo ṱoḓa u amba zwithu zwine zwa ḓo fhedza zwi tshi khou tshinya kilaba kana nṋe.