Ouaddou u bvela khagala kha u tsireledzwa ha Appollis kha Pirates

Mugudisi Abdeslam Ouaddou o tenda uri Oswin Appollis ha athu swika kha vhuimo ha mutakalo he tshigwada tsha thekinikha tsha vha tshi tshi khou ṱoḓa.

Appollis (24) o no tamba mitambo minṱanu ya liga na khaphu, a wana tshikoro tshithihi.

Hezwi zwi fhambana na tshifhimga tshe a tshi ita musi wo fhiraho musi a tshi vha muṅwe wa vhatambi vha nthesa.

O thoma kha gundo ḽa MTN8 semi-final (mulenzhe wau thoma) ngei Polokwane kha Sekhukhune United, fhedzi a bviswa miniti ya 65.

Ouaddou o dovha a sumbedza u neta ha vhatambi vha 2026 FIFA World Cup, na mavhada a Thalente Mbatha na Evidence Makgopa.

“U amba ngoho u amba uri ndi munwe wa vhatambi vhashu vha khwine nahone musi u na daimane nḓuni yau u fanela u mu tsireledza,” ho amba Ouaddou.

“Appollis ndi Appollis ni a mu ḓivha. Ndi muthu ane a vha a 50% kana 40% nahone a nga kora tshifhinga tshiṅwe na tshiṅwe ngauralo, a ri mangali.

A si ene mutambi fhedzi ane a si vhe kha tshiimo tshavhudi  tshine ra tshi ṱoḓa. Kha ḽa Europa vhanna vhoṱhe vhe vha vha vhe kha Tshiphuga tsha Ḽifhasi, ri nga zwi vhona uri zwi a vha konḓela.

“Na muhasho washu wa kushumele, muhasho wa zwa mishonga, vhashumi vha thekhinikhala, ri khou ita zwoṱhe uri a vhuye e kha tshiimo tshavhuḓi.

• VHALANI HAFHU: Vhufa ha Mupo wa Afurika Tshipembe: Lupfumo lwa Rine Roṱhe

Nahone nga zwenezwo ṋamusi kha mutambo u khou khwiṋisa.

Nahone ṋamusi ho vha hu tshifhinga tsha uri ri mu tsireledze khamusi uri a awele nahone a si vhee khomboni ya u huvhala ngauri ndo vha ndi tshi khou amba hezwi u bva mathomoni.