Ouaddou o khoḓa vhatambi vhawe nga murahu ha u tamba zwavhuḓi

Mugudisi wa Orlando Pirates Vho-Abdeslam Ouaddou vho khoḓa vhatambi vhavho nga murahu ha musi vho no vha na vhutsila ha vhuṱali he vha ita uri vha kunde Kaizer Chiefs kha derby ya Soweto.

Orlando Pirates yo ṋetshedza muṅwe wa mitambo yayo yo fhelelaho kha khalanwaha musi i tshi tamba na Kaizer Chiefs tshitediamu tsha FNB.

Zwikoro zwo bvaho kha Tshepang Moremi, Oswin Appollis na Evidence Makgopa zwo ṋea Buccaneers maanḓa a u kunda nga  3-0 kha derby ya Soweto, zwa vha rumela nṱha ha maimo a Betway Premiership.

ORLANDO PIRETS NDI KHULWANESA
Mugudisi muhulwane Vho Abdeslam Ouaddou vho dzumbulula uri vhatambi vho ita pulane ya mutambo nga nḓila ye vha dzudzanywa ngayo.

 Zwa vha sia vha tshi ḓihudza vhukuma nga murahu ha tshifhinga tshi konḓaho tshe tsha vha tshi tshi khou livha kha derby.

“Ndif a ḓihudza vhukuma nga vhatukana vhanga ṋamusi, ro thoma mutambo nga nḓila ye ra vha ri tshi khou ṱoḓa ngayo, ro vha ri tshi khou ṱoḓa u vhea mutsiko muhulwane, u kora hu tshe na tshifhinga.

“Zwo vha zwi tshi konḓa vhege mbili-tharu nga murahu ha u kundwa luvhili, nahone ndi vhona u nga vho ri ṋea phindulo yavhuḓi vhukuma kha derby iyi nahone ndi a ḓihudza vhukuma ngavho nahone ri fanela u bvela phanḓa nga u ralo.”

• VHALANI HAFHU: Prince Kaybee o pulana u tshova baisigira 600KM

Gundo a ḽo ngo khwaṱhisa fhedzi ndivho dza Pirates dza u dzhia tshiphuga fhedzi ḽo dovha ḽa khwaṱhisa fulufhelo ḽine ḽa khou aluwa nga ngomu ha thimu ine ya vhonala i tshi khou ḓifara zwavhuḓi kha mitambo ya mutsiko muhulwane.