Bolele Polisa u ṱuṱuwedza vhaswa nga Milaedza ya maanḓa
Musi Afrika Tshipembe ḽi tshi khou pembelela Ḓuvha ḽa Vhaswa na u ḓikumedzela ha kiḽasi ya 1976,
Vhaṅwe vhathu vha ḓivheaho vhukuma shangoni vha khou ṱuṱuwedza vhaswa u ṱanganedza vhuṋe havho.
U tevhela miloro yavho na u humbula uri tshanduko i re na ndivho kanzhi i thoma nga nyito ṱhukhu, dza ḓuvha na ḓuvha.
Bolele Polisa uri “Ni songo fhelelwa nga mulilo ure ngomu hanu.”
Muhashi wa radio Vho-Bolele Polisa vhari nndwa dza ṋamusi dzi nga vhonala dzo fhambana na dze vhaswa vha sedzana nadzo nga 1976, fhedzi ṱhoḓea ya u khwatha na u tenda a i athu shanduka.
“Arali hu na tshithu tshithihi tshe nda tshi ṱhogomela nga ha vhaṅwe vhaswa, ndi uri ri khou xelelwa nga mulilo,” u ralo.
“Mulilo wa nga ngomu ndi wone phambano ine ya ḓisa miloro yashu vhutshiloni. Nndwa i khou bvela phanḓa. I nga dzhia sia lo fhambanaho na zwe ya vha i zwone nga 1976,
Fhedzi i khou bvela phanḓa nahone i ṱoḓa uri ri vuse mulilo wa nga ngomu. Mulilo wa nga ngomu ndi wone une wa ḓo ri thusa u imela zwo teaho.
“Ndi zwone zwine zwa ḓo ri thusa u dzhiela ntha zwine zwa nga konadzea kha riṋe nahone mafheleloni zwa ita uri miloro yashu i bvelele.”