U divha luambo lwa damuni ndi zwa ndeme

“Luambo a si maipfi fhedzi o tumanaho”; ndi thandela ya u thoma ine ya ri vhofha na shango.

U bva kha dzi nyimbo dza u eḓelisa dzine vhabebi vha imbelela na musi ṅwana a sa athu bebwa, u swika kha maipfi a u thoma a sa  “mama” na “dada,” hone ri thoma lwendo lwa vhudavhidzani.

Musi hu tshi elelwa ṅwaha wa vhu-25 wa International Mother Language Day (Silver Jubilee), hu na tshifhinga tsha u takalela ifa ḽashu ḽa nyambo, na u humbula uri maipfi ashu a u thoma a fhaṱa hani vhuṋe hashu.

A ri fhati fhedzi sa vhathu nga muthihi, fhedzi na sa vhagudi, vhanangi vha mihumbulo, na miraḓo ya tshitshavha tshihulwane.

UNESCO i sumbedza uri vhana vhane vha thoma pfunzo yavho nga luambo lwa damuni vha na tshikhala tshihulwane tsha u vha na zwikili zwa u humbula na zwa pfunzo zwo khwaṱhaho.

Hu ya nga ṱhoḓisiso ya Global Partnership for Education (GPE), vhana avho vha dzhenelela nga maanḓa kilasini, vha vhudzisa mbudziso, nahone vha shela mulenzhe kha nyambedzano nga nṱhani ha maipfi ane vha a ḓivha na mvelele yavho.

TaRL Africa na Pratham International vho bveledza maitele a Learning Language from Familiar to Formal (L2F2). Maitele aya a thusa vhana u fhira zwavhuḓi u bva kha luambo lwa hayani vha ya kha luambo lwa tshiofisi lwa pfunzo.

Nga u shumisa zwine vha zwi pfesesa kale, vhana vha fhaṱa vhukoni ha u vhala, vha wana fulufhelo, nahone vha kona u amba nga u vhonala.

• VHALANI HAFHU: Vhavenda: Mvelele, Luambo na Zwiliwa Zwo Dzikaho u Bva Kale

Ngauralo, u hulisa luambo lwa damuni a si zwa mvelele fhedzi; ndi mutheo wa pfunzo ya vhutshilo hoṱhe.