Naa Sundowns i nga itela Pirates tshimangadzo nga Saleng?

Mutambo wa Ḽavhuraru vhusiku wo lavhelelwaho vhukuma vhukati ha Orlando Pirates na Mamelodi Sundowns wo dzhia nḓila i takadzaho.

Zwo bvelela uri hoyu u nga vha mutambo wa u thoma wa Monnapule Saleng kha kilabu yawe ntswa.

Zwine zwa ita uri hezwi zwi takadzese vhukuma ndi uri u do vha a tshi khou sedzana na kilabu yawe ya kale ye ya mu ita sensation ya PSL.

U bva tshe a ṱuwa  nga ṅwedzi wa Phando, Monnapule Saleng ha athu vhonala a tshi tamba kha kilabu ya Chloorkop.

O TSHUWA U BVA KHA PIRATES .

O vha o no vha nnḓa nga ṅwambo wa uhuvhala  tshirumbi he a vhu wana musi o hadzimiwa nga Orbit College.

Musi a tshi swika Sundowns, o vhudzwa uri zwi ḓo dzhia vhege dza malo u ya kha dza fumi-mbili uri a fhole.

Fhedzi ho vha na mvelaphanḓa i songo lavhelelwaho na i ṱanganedzwaho kha vhafuni vha kilabu ya Chloorkop – o fhola.

Mugudisi wa Mamelodi Sundowns Miguel Cardoso zwenezwino o tenda uri u amba uri o huvhala ho vha hu pulane ya u “bvisa mutsiko” kha mutambi.

Mathomoni ho vha hu tshi khou ambiwa uri Saleng – wa miṅwaha ya 27 – u ḓo vhuya nga ṅwedzi wa Ṱhafamuhwe.

Fhedzi zwino zwo bvelela uri o fhola zwavhuḓi vhukuma, nahone hu pfi o ḓiimisela u tamba.

NDI NGANI SALENG A WA NDEME KHA MUTAMBO UYU?

Arali Saleng a tamba, u do disa khonadzeo ya u tshuwa kha Orlando Pirates kha mutambo uyu wa tshitediamu tsha FNB nga nthani ha:

Nḓivho yawe kha Pirates: O fhedza miṅwaha a tshi khou guda na vhatsireledzi vhavho sa Sibisi, Sesane, Hotto na Van Rooyen.

• VHALANI HAFHU: Kiḽaba ntswa ya Ndah yo khwaṱhisedzwa lwa tshiofisi

Khamusi zwenezwi zwi mu ṋea muhumbulo wavhuḓi wa uri vhushayanungo havho vhu ngafhi.