Muṅwe mutambi wa PSL a nga tevhela Mofokeng Belgium 

Muṅwe mutambi muswa wa henefha a nga ṱanganela na Relebohile Mofokeng kha ligi ya nṱha ya Belgium.

Hezwi zwi khou tevhela dzangalelo ḽi bvaho kha kilabu ya Belgium SV Zulte Waregem, ine yo thoma u lavhelesa nga vhuronwane mutsireledzi wa Stellenbosch FC Luthando Vena.

Vena wa minwaha ya 19 o thoma zwavhudi kha khalanwaha nahone o no sumbedza vhukoni hawe ha u langa bola ya milenzhe ya PSL ya maimo a ntha.

O gonya nga kha zwikhala zwa vhaswa vha Stellenbosch, o  dzhena kha kilabu a na miṅwaha ya 16.

Zwino o no vha tshipiḓa tsha ndeme tsha tshigwada tshihulwane nga fhasi ha mugudisi Gavin Hunt.

Zwi swayeaho ndi uri o tamba miniti muṅwe na muṅwe wa mitambo ya ligi ya Stellenbosch kha ino khalanwaha—zwine zwa sumbedza zwavhuḓi fulufhelo ḽine Hunt a mu vhea khaḽo.

Fomo yawe i mangadzaho yo dovha ya ita uri a vhidzwe kha thimu ya lushaka ya vha re fhasi ha miṅwaha ya 23.

Vena zwenezwino o tamba mutambo wawe wa u thoma kha tshigwada musi Afrika Tshipembe ḽi tshi kunda Algeria nga 3-1 ngei Bloemfontein.

Zwino, dzi kilabu dza nnḓa ha shango dzo thoma u mu sedzesa. Uya nga ha muvhigo wa iDiski Times, Zulte Waregem yo vhea zwipikwa zwayo kha mutambi uyu phanḓa ha tshifhinga tsha u rengisa vhatambi nga ṅwedzi wa Phando.

Hu khou pfala uri thimu dza bola ya milenzhe ya US Major League na dzone dzo sumbedza dzangalelo khae.

• VHALANI ZWINWE: Zwithu zwi takadzaho nga ha Arabang wa Skeem Saam

Arali Vena a fhedza o pfulutshela Belgium, u ḓo tamba kha ligi nthihi na Relebohile Mofokeng na Chandre Campbell, vhe vha ḓi ḓiitela dzina kha ḽeneḽo shango.