Palesa Madisakwane u amba nga ha mbidzo ya u vha ṅanga
Mutambi wa matambwa wa Afrika Tshipembe na muthu wa nyanḓadzamafhungo Vho-Palesa Madisakwane vho vula nga ha lwendo lwavho lwa muya na tshenzhemo dzi konḓaho dze dza ṱuṱuwedza tsheo dzavho.
O talutshedza uri nga tshifhinga tsha khaedu, nga murahu ha u xelelwa nga mushumo wawe kha *Generations*, u fhira kha ṱhalano na u xelelwa nga haya na goloi, o ṱoḓa phindulo na u vhudzisa vho ndiadivha.
O vhudzwa uri u na mbidzo ya uvha nanga nahone u khou tea u thwasa.
Fhedzi-ha, Vho-Palesa vho bvisela khagala uri a vho ngo vhuya vha vha nanga yo thwasaho nahone ho ngo fhedza maitele.
Musi a tshi khou bvela phanḓa na lwendo, o thoma u timatima maitele e a vha a tshi lwisana na zwine a tenda khazwo zwa Vhukriste.
O ṱalusa uri o ḓipfa a tshi vhilaela na u tsikeledzea muyani, zwe zwa ita uri a humbule nga ha nḓila ye a vha a tshi khou tshimbila ngayo.
Palesa o fhedza o vhuyelela kha vhurereli ha Tshikhiresithe, a ri u pfa Mudzimu a tshi khou mu livhisa uri a vhuyelele kha lutendo lwawe.
- VHALANI ZWINWE : Muṅwe mutambi wa PSL a nga tevhela Mofokeng Belgium
O ombedzela uri tsheo yawe yo vha i ya muthu nga eṱhe nahone yo vha i songo itelwa u sa ṱhonifha vhaḓivhi vha zwa ngalafho ya sialala. Zwino u ḓiṱalusa khagala nga u tevhela lutendo lwa Vhukriste.