Mohau Nkota u amba nga ha u  ṱutshela thimu ya Pirates

Orlando Pirates yo fhedza yo amba nga ha u ṱuwa nga u ṱavhanya ha mutambi wa ṋaledzi Mohau Nkota.

Muswa uyu wa ṋaledzi o pfulutshela kha tshigwada tsha Saudi Pro League tsha Al Ettifaq nga ṅwedzi wa Fulwana .

Musi a tshi khou amba na tshigwada tsha vhoramafhungo tsha Saudi Pro League, Mohau Nkota o zwi bvisela khagala uri u ṱuwa hawe zwo vha zwo ḓisendeka kha lutamo lwawe lwa u ḓilinga nnḓa ha shango.

“A si roṱhe vhane ra ṱoḓa u dzula Afrika, u tamba Afrika vhutshilo hashu hoṱhe,” ho amba mutambi wa murahu wa tsha monde wa miṅwaha ya 20.

“Vhunzhi hashu ri ṱoḓa u tamba mashangoni a nnḓa.Kha vhunzhi hashu, wonoyo ndi muloro muhulu.

“Ri ṱoḓa u ya musi ri tshee vhaṱuku u itela u ḓilinga na u tshenzhela vhuimo kha ligi dzo fhambanaho kha maṅwe mashango.”

Mohau Nkota o bvisela khagala uri tsheo ya u fhedzisela i zwanḓani zwawe nga murahu ha nyambedzano na vhalanguli vha Pirates, nga maanḓa mudzulatshidulo Vho-Irvin Khoza.

“Ndo founelwa nga mudzulatshidulo wa Orlando Pirates vha tshi ri zwi kha nṋe uri ndi ṱoḓa u ṱuwa kana hai, ndo vha ndo takala u pfulutshela fhano,” o ṱalutshedza.

Naho o vha o takala, o tenda uri u onesa nathimu ye ya mu alusa zwo vha zwi songo leluwa.

• VHALAI HAFHU: Nhlanhla Kunene u dzhoina Skeem Saam

“Zwo vha zwi tshi vhavha u ṱutshela kilabu ye nda alutshela khayo.Vhege yanga ya u fhedzisela yo vha i songo leluwa, ndo vha ndi tshi khou onesavhatambi nga nṋe.