Tapelo Xoki wa Orlando Pirates u pembelela vhutshilo

Zwa uri u kha di tshila ndi mafhungo mahulwane kha mutsireledzi wa Orlando pirates Vho-Tapelo Xoki.

Zwa zwino, hezwo na u kona u tamba bola hafhu ndi zwithu zwa ndeme khae zwa zwino.

Mutsireledzi wa minwaha ya 30 o ponya nga nḓila ṱhukhu musi a tshi thulwa nga goloi mathomoni a ṅwaha uno.

Ndi musi vha tshi khou bvo utswakha bisi  vha a tshi humbula uri a si khombo, vha tshi ri vha khou ya u thusa.

Fhedzi goloi inwe yo mbo ḓi vha thula musi vha tshi khou thusa henefho.

Tapelo Xoki, mugudisi Abdeslam Ouaddou na vhaṅwe miraḓo ya tshigwada tsha vhagudisi vha Orlando Pirates vho huvhala.

Xoki u khou fhola nahone o thoma mbekanyamushumo ya u vusuludza u itela u fhola tshoṱhe kha u huvhala ha magona.

O vha e tshipiḓa tsha thimu ya Pirates ye ya vha hone kha u ṋetshedzwa ha zwishumiswa kha   Zodwa  Khoza foundation nga vha Pirates na MTN nga Ḽavhuraru.

“Ndo takala vhukuma uri ndi khou tshila,” vho vhudza vhavhigi vha mafhungo kha muṱangano wa vhoramafhungo ngei Diepkloof, Soweto.

“Fhedzi ndi livhuwa vhukuma madokotela ashu, ndi livhuwa muṅwe na muṅwe kha kilabu we a ntikedza kha lwendo ulwu.

• VHALANI HAFHU: Mofokeng na  Cardoso vha isa phanda na u vhusa kha PSL 

“Zwa zwino ndi khou ṱoḓa dzilafho nahone zwoṱhe zwi khou tshimbila zwavhuḓi vhukuma.”