Papi Zothwane kha mbambe ya Pirates na Sundowns

Richards Bay a i nga ḓo ḓivhea fhasi ha mutsiko wa u lingedza u thusa thimu kha mbambe ya u dzhia tshiphuga tsha Betway Premiership – heyi ndi ngeletshedzo i bvaho kha mugudisi Vho-Papi Zothwane.

Hezwi vho zwi ḓivhadza nga murahu ha musi vho tamba nga 2-2 na Orlando Pirates zwe zwa fhungudza tshikhala tshayo tsha u wina tshiphuga.

Papi Zothwane o sumbedzisa uri thimu yawe yo sedza kha zwipikwa zwayo fhedzi — hu si kha u thusa vhapikisi vhayo Mamelodi Sundowns.

“Vha nga si kone u ḓitika nga riṋe ngauri ri na mushumo washu, na vhone vha na wavho,” ho amba Zothwane.

Pirates yo wisa phoindi mbili dza ndeme kha North Coast, zwa sia i murahu ha Sundowns nga phoindi nthihi.

Zwino zwi khagala uri vha do tea u ḓitika nga dziṅwe thimu uri vha kone u fhira Sundowns uri vha kone u swika.

Fhedzi Papi Zothwane u amba uri thimu yawe a i nga ḓo vha na zwenezwo muhumbuloni musi i tshi ṱangana na Sundowns kha mutambo wayo u tevhelaho.

Fhedzi hu kha di vha na fulufhelo kha Pirates ngauri mugudisi uri a vha todi u tshinyadza rekhodo yavho ya vhudi kha mitambo ya hayani.

“Ri dzulela u ombedzela uri a hu na muthu ane a ḓa fhano a ita zwine a funa, ndi nḓila yashu,” vho ṱalutshedza. “Ro no kundwa luthihi fhedzi hayani kha ligi.”

• VHALANI HAFHU: Chiefs i na fulufhelo kha Mayo u fhelisa gomelelo ḽa zwikoro

Mugudisi o dovha a bvisela khagala uri vho dovha vha tutuwedzwa nga vhatikedzi vhavho vhane vha bvelela nga vhunzhi kha mitambo ya hayani.

“Zwi a konḓa u ri kunda fhano ngauri a ri sokou tamba, ri dovha ra ṱhonifha vhatikedzi vhashu.