Mngqithi u bvisela khagala zwiitisi zwa u ṱutshela Yanga
Manqoba Mngqithi o bvisela khagala uri ndi ngani o fhambana na Young Afrika ya Tanzania.
U amba uri u ḓirula mushumo hawe a hu na vhushaka na mvelelo dza mudavhini fhedzi zwi na vhushaka na milayo yawe.
Mugudisi uyu we a vha a tshi shuma kha tshigwada tsha Mamelodi Sundowns, o ṱuwa Yanga nga murahu ha musi o vha thusa u swika kha vhuimo ha zwigwada zwa CAF Champions League.
Musi vha tshi khou amba na Vho-Andile Ncube kha Metro FM nga Lavhuvhili, Vho-Mngqithi vho amba uri a vho ngo diimisela u litsha milayo na zwine vha tenda khazwo u itela u dzula mushumoni wavho.
“Zwo vha zwi nga ṅwambo wa milayo yanga.Ndo vha ndi tshi ṱoḓa u ita vhungoho ha uri milayo yanga, zwine nda zwi tenda na maitele anga zwi dzule zwi tshi fana.
“Zwenezwo zwo vha zwi zwa ndeme u fhira u fara mushumo, ndi ngazwo ro fhandekana,” o ralo.
Manqoba Mngqithi wa minwaha ya futhanu, uri ha tendi uri u fhandekana hawe na Yanga zwo vhangwa nga zwiitisi zwa bola ya milenzhe kana tshitaila tsha u tamba.
Vho amba uri vhushaka havho na vhalanguli vha kilabu ndi havhuḓi, na uri vhatambi na thimu yavho vho shuma nga maanḓa u swikelela zwipikwa zwinzhi zwa khalanwaha.
Vho-Mngqithi vhari inwe ya thaidzo khulwane ndi uri thimu i shumana hani na vhatambi vhane vha sa dzhene gym.
Vho amba uri a vha tikedzi mutambi a tshi bva gym fhedzi a sa dzhielwe vhukando vhuhulwane.
“Thimu iyi i tea u khwinisa maitele ayo a mushumo.
Vho amba uri hezwi ndi zwiṅwe zwa zwiitisi zwa u fhandekana vhukati havho na vhahulwane, ngauri a vha ṱoḓi u sa tevhedza mulayo zwi tshi vha zwithu zwo ḓoweleaho.
Vho-Manqoba Mngqithi vhari vho bvisela khagala mbilaelo dzavho kha vhalanguli vha Yanga, vha tshi ombedzela uri vhatambi vha tea u sedzana na masiandoitwa arali vha sa ḓadzisi vhuḓifhinduleli havho.