Richards Bay FC yo ṋea ngeletshedzo kha Orlando Pirates

Richards Bay FC yo ṋea ngeletshedzo kha Orlando Pirates phanḓa ha mutambo wayo wa Ḽavhuṱanu – a si matsilu!

Mugudisi wa Richards Bay Vho-Papi Zothwane vhari Pirates a i faneli u fhurwa nga vhapikisi vhayo, fhedzi vha fulufhele uri ndi vhone vhane vha vha phanḓa havho zwazwino.

Thimu mbili idzi dzi do tangana tshitediamu tsha Mhlathuze, vhuvhili havho vha tshi khou toda mvelele dza vhudi nga zwiitisi zwo fhambanaho vhukuma.

Bucs i kha mbambe ya u dzhia tshiphuga tsha Betway, ngeno Natal Rich Boyz i tshi khou ṱoḓa u gonya kha vhuimo ha ntha.

Thimu mbili dzi dzhena kha mutambo uyu dzi na fulufhelo ḽihulwane. Richards Bay zwenezwino yo kunda thimu ya stellenbosch fc.

Orlando Pirates yo sumbedza vhukoni hayo kha mitambo mivhili yo fhiraho, yo kunda TS Galaxy nga 6-0 phanḓa ha musi i tshi kunda Golden Arrows nga 5-0.

Musi a tshi khou ṱanganedza mufhiso wa Buccaneers, Zothwane o zwi bvisela khagala uri tshigwada tshawe a tshi nga ḓo ḓifara luvhi.

“U ḓo vha mutambo u konḓaho sa izwi vha tshi khou pandamedza tshiphuga tsha ligi.Fhedzi musi ri tshi tamba hayani a zwi leluwi u vha kunda,” ho amba Zothwane.

Mugudisi o ombedzela uri Pirates i tea u ḓilugisela mutambo u konḓaho.

“A vho ngo fanela u ḓa fhano vha tshi humbula uri vha ḓo kunda nga hu leluwaho. U ḓo vha mutambo u konḓaho, nahone ri ḓo vha ro ḓilugisela zwavhuḓi.”

• VHALANI HAFHU: Mutambi wa khirikhete u khou hweswa mulandu wa u vhulaha

Orlando Pirates i kha fomo yavhudi nahone i a divha hune tshikoro tsha vha hone zwenezwino nahone Richards Bay a i khou toda u kundwa hayani.

Hezwi zwi ita uri mutambo wa Ḽavhuṱanu u fulufhedzise u vha wa maimo a nṱha.