Phanele ya dzi judge dza Miss SA ya 2026 yo khwaṱhisedza lwa tshiofisi

Muṱaṱisano wa Miss South Africa wo ḓivhadza phanele ya dzi judge  ṱhanu vhane vha ḓo tshimbidza khetho dza khare ntswa ya 2026.

Phanele yo vha yo imela sekithara dzo fhambanaho u fana na mulayo, ṱhogomelo ya mutakalo, masheleni na vhuḓimvumvusi, zwi tshi sumbedzisa uri tshiwo a tshi sedzi kha vhukoni fhedzi fhedzi tshi dovha tsha ombedzela fhungo ḽa vhurangaphanḓa na ndivho ya tshitshavha.

Dokotela Musa Mthombeni, muhashi wa kale wa YoTV, vha ḓisa mavhonele a zwa ngalafho sa aneurointerventionalist and diagnostic radiologist.

Vha dovha vha vha munna wa Liesl Laurie-Mthombeni, we a wina tshiphuga tsha Miss SA nga 2016.

Mthombeni, wa miṅwaha ya 36, ​​u na digirii mbili dza yunivesithi, hu tshi katelwa na master’s kha radiology , MBBCH, na dziṅwe ṱhanziela dza phurofeshinaḽa.

Advocate Thuli Madonsela na ene ndi munwe wa judge, ane a ḓisa maanḓa a mulayo.

Sa phurofesa, vho shela mulenzhe kha u ṅwalwa ha Ndayotewa ya Afrika Tshipembe ya 1996, na u tikedza milayo mihulwane u fana na Employment Equity Act.

Natasha Vermaak, we a wina Miss SA nga 2023, u ḓo engedza mavhonele a zwa vhuḓimvumvusi sa ṱhoho ya u ṋekedza na muhashi.

Vho Pumla Molope, Muphuresidennde wa African Women Chartered Accountants (AWCA), vha ḓisa nḓivho ya zwa masheleni, vha tshi ombedzela u engedzwa ha zwikhala zwa dzi chartered Accountant vha Vharema.

Maleka u ḓivhelwa vhukuma The River, nahone u dovha a vha mutambi wa matambwa na muhashi we a wina pfufho, hu tshi katelwa na mushumo wawe kha Lobola Man ya Netflix.

• VHALANI ZWINWE : Khothe khulwane yo tendela thengiso ya nnḓu ṱhanu dza Mamkhize

Vho Jo-Ann Strauss, vhe vha vhewa kha khare ya Miss SA nga 2001, vha ḓo vha vha tshi khou langa na vhone, vha tshi ḓa na nḓivho yo dzikaho ya nḓowetshumo ya zwa lunako na u modela.