Ngomu ha vhuṱambo ha mbingano ya Lethabo LeJoy

Lethabo LeJoy o Kovhelana zwithu zwo nakaho zwa vhuṱambo ha munyanya Wawe. 

Vhege yo fhiraho, Vho-Lethabo LeJoy Mathatho na munna wavho vho vha na vhuṱambo havhuḓi ha Mamalo, ngei Mpumalanga.

 Ene na munna wawe vho vha vha tshi vhonala vha khou faneliwa vhukuma  nga zwiambaro zwo dzudzanyeaho zwa sialala.

Muthu wa nyanḓadzamafhungo, ṋaledzi ya reality showsna ramabindu vha kha ḓi tou bva u kovhelana zwinepe zwa ḓuvha ḽa mbingano.

Lethabo o vhonala a tshi khou ḓiphina nga tshifhinga tshinwe na tshinwe tsha ḓuvha lawe lihulu ubva kha u fukedziwa nga nguvho, u ita minwe mishumo ya mufumakadzi na u tshina na vhafuniwa vhawe. 

O dovha a vhonala o naka nga rokho yawe ya sialala ye ya dizainiwa nga Manyaku M wa UD Fashion House.

• VHALANI ZWINWE : Sifama u amba nga nyimele dze dza ṱoḓa u ita uri a si tsha kona u tamba bola ya milenzhe

Kha khephusheni , Lethabo o sumbedza u takala nga ha uri ene na lufuno lwa mufarisi wawe vho ṱanganya miṱa mivhili.

“………..Nga u ralo, Lufuno lwo vha thambo yavhuḓi ye ya ṱanganya miṱa mivhili ya vha muthihi. Tshitori tsha uri ndo vha hani MRS R❤️,” LeJoy o ṅwala kha khephusheni content ya  mbingano yawe.