Thato Dithebe o dzena kha telenovela ya The Four of us 

Mushumo wa Thato Dithebe wa zwenezwino wo vha u wa u tamba Neo kha soapie ya e.tv House of Zwide, phanḓa ha musi mbekanyamushumo i tshi fhela miṅwedzi mivhili yo fhiraho.

Neo o vha e mudzia-vhuṱali, mudzia-u-ḓifulufhela we a vha e na dzangalelo ḽihulwane kha Ona (Nefisa Mkhabela).

Vhuvhili havho vho vha vhe na chemistry khulwane vhukuma, lune vhanzhi vha tenda uri ndi vhafunani kha vhutshilo ha vhukuma.

Thato ndi munwe wa vhatambi vha House of Zwide vhe vha kona u dzhiiwa nga dzinwe production.

Mutambi wa matambwa a re na vhukoni na muthu wa TV, u vhukati ha vho ramakone  zwazwino u ṱanganela kha telenovela ya e.tv i ḓivheaho, The Four of Us.

Naho hu songo dzumbululwa zwinzhi nga ha mubvumbedzwa muswa wa Thato, zwiṱuku zwe zwa kovhelwa, zwi sumbedza uri u khou ḓisa lufuno. 

• VHALANI ZWINWE : Mvelele ya Musalauno yo tanganelanaho

U dzhena ha Thato,vhukuma zwi ḓo ṋea Balongwe tshiṱori tshi takadzaho, nnḓa ha muṱa wawe.

“Ni kha ḓi tenda kha lufuno?🤔

Marangaphanḓa a Thato Dithebe kha #TheFourOfUs a ḓo ita uri ni vhudzise zwoṱhe zwe na vha ni tshi humbula uri ni a zwi ḓivha nga ha lufuno 8PM,” e.tv yo ḓivhadza.