Happy Mashiane u ṱoḓa tshigwada tshiswa

Mutambi wa kale wa Kaizer Chiefs Happy Mashiane u khou isa phanḓa na u ṱoḓa tshigwada tshiswa.

Mashiane ha na kilabu ubva nga nwedzi wa Fulwi 2026, nga murahu ha u fhandekana na Chiefs nga murahu ha tshifhinga tshi konḓaho miṅwahani mivhili yo fhiraho.

Mutambi wa minwaha ya 28 o alutshela kha Academy ya Chiefs, a sa athu huliswa kha thimu ya vhahulwane mathomoni a 2019.

Mashiane o vha a kha mbambe ya u dzhena kha inwe kilabu, fhedzi zwithu a zwo ngo tshimbila zwavhudi musi a tshi lingiwa nga Stellenbosch FC nga fhasi ha mugudisi Gavin Hunt.

Hu pfi Stellenbosch yo dzhia tsheo ya u sa mu saina ngauri vho vha vha tshi vhona u nga ha athu ḓilugisela muvhilini u tamba.

Happy Mashiane zwino u khou lingedza tshinwe tshikhala ngei Siwelele. 

Naho zwo ralo, ha athu ṋewa thendelano. Mashiane u divha Siwelele zwavhudi vhunga o vha o hadzimiwa kha Chiefs khalaṅwaha yo fhelaho.

Fhedzi khalanwaha yeneyo a yo ngo tshimbila zwavhuḓi, sa izwi o fhedza o tamba mutambo muthihi fhedzi.

• VHALANI ZWINWE : Zwiḽiwa zwa sialala zwa lushaka lwa vhavenḓa

Zwino u na tshikhala tsha u di sumbedza hafhu, fulufhelo nga hetshi tshifhinga u do fhedza o sainiwa nga Siwelele.