Fomo yavhuḓi ya Mofokeng i kunga dzi Kiḽaba khulwane
Mutambi wa kale wa Orlando Pirates, Relebohile Mofokeng, o vhuya kha vhuimo ha nṱha sa izwi fomo yawe ngei Europa yo kunga ṱhogomelo ya dzikiḽaba khulwane.
Mutambi uyu wa minwaha ya 22 hu khou pfala uri o kunga dzangalelo kha dzi kilabu dzi ngaho Chelsea na Brighton & Hove Albion ngei England.
Thimu ya Spain Atletico Madrid na Napoli ya Italy na dzone ndi dzinwe dza thimu dzine dza khou pfala dzi na dzangalelo kha mutambi wa Bafana Bafana.
Mofokeng o dzhena kha tshigwada tsha Belgium tsha Saint-Gilloise nga ṅwedzi wa Ṱhangule, fhedzi ha ngo dzhia tshifhinga tshilapfu u ḓiṱanziela.
O tamba mushumo wa ndeme kha Bafana Bafana musi a tshi kora luvhili kha mutambo wa u kunda Eritrea nga 5-0 kha mutambo wa u khetha wa Afcon wa 2027.
Na ngei Belgium zwithu zwi khou tshimbila zwavhuḓi kha mutambi. O vha na mathomo avhuḓi a tshi kora zwikoro zwiṋa, ho katelwa na tshikoro kha mutambo wawe wa u thoma wa UEFA Europa League.
U tamba zwavhuḓi ha Relebohule Mofokeng zwo ita uri hu vhe na mahumbulele a uri a nga kha ḓi sa dzula Belgium tshifhinga tshilapfu.
Brighton ndi inwe ya dzi kilaba dzine dza nga vha na dzangalelo, nga maanda nga nthani ha vhushaka havho vhune ha vha hone na Union Saint-Gilloise.
- VHALANI ZWINWE : Thato Dithebe o dzena kha telenovela ya The Four of us
Zwa zwino, Mofokeng u khou sedza kha mveledziso yawe ngei Belgium, fhedzi arali a bvela phanḓa na u tamba kha ḽeveḽe iyi, u pfulutshela kha Premier League zwi nga itea hu si kale.