Lebohang Msiza u onesana na Scandal!
Muthu munwe na munwe u a zwidivha uri Scandal! Tshi khou swika magumoni. Nga ṅwambo wa zwenezwo, vhabvumbedzwa vhanzhi vha khou vhulahwa nahone zwphiri zwia bvela khagala.
Naho zwo ralo, zwi kha ḓi ṱungufhadza vhaṱaleli na mveledziso yoṱhe, musi vhaṅwe vhabvumbedzwa vha tshi ṅwaliwa fhasi.
Maḓuvha a si gathi fhedzi o fhiraho Tinyiko ‘Pablo’ Baloyi o onesana na Scandal!. O vha e tshigevhenga tshi si na tshilidzi tshe tsha vha tshi na malofha zwanḓani zwawe, nahone zwino o fa nga murahu ha musi Tiro More o mu vhulaha .
Hezwi zwi khou da nga murahu ha musi o tshinyadza pulane dzavho dza u vhulaha Victor Padi.
Pablo o vha a tshi tambwa nga mutambi wa matambwa a re na vhutsila Otto Nobela, ane a dzulela u tamba mishumo ya vhuvhi.
Ḽavhuraru nga madekwana vhaṱaleli Scandal! vha vho vha vho tshuwa musi Tiro a tshi ḓivhulaha.
O vha na nyambedzano ya vhudipfi na murathu wawe Thapelo More. Nyambedzano yo ita uri a dzhiele nzhele uri lufuno lwe a vha a tshi lu ṱoḓa kha muṱa wawe ndi tshithu tshi sa pfali.
Thalitha o vha a tshi khou tou mushumisa, Tiro o mbo di humbula u zwi fhelisa zwothe. O mbo ḓi ḓi thuntsha kha ṱhoho.
Sa munwe wa vhavhi vhahulwane kha mbekanyamushumo, lufu lwawe lwo vha sa khwathisedzo kha vhanzhi uri ngoho Scandal! Tshi khou fhela.