Bakwena Media i fhindula kha tshitatamennde tsha SABC malugana na Pimville

Zwi ṱungufhadzaho ndi uri vhatambi na vhashumi vha Pimville ndi vhone vhane vha khou tambula vhukuma.

Hu na mavharivhari a u sa shumiswa zwavhuḓi ha masheleni nga vhurangaphanḓa ha nnḓu ya u bveledza, Rashaka “Rush” Muofhe.

Vha Khasho ya Afrika Tshipembe (SABC) vho khwaṱhisedza uri vho ita nga nḓila yo teaho vhuḓifhinduleli havho ha thendelano kha Bakwena Productions.

Khamphani yo dzumbulula uri yo ita mbadelo nga tshifhinga , zwi tshi khou bvisela khagala vhuḓikumedzeli hayo kha u tshimbidza zwavhuḓi ha mveledziso.

Maḓuvha a si gathi o fhiraho, SABC, yo kovha iṅwe nḓivhadzo, tshifhinga hetshi malugana na tshiimo tsha Pimville.

Nga murahu ha maitele a u vusulusa nga vhuronwane na u ṱolisisa nga vhuronwane, ho dzhiiwa tsheo ya uri thelenovela i litshe u hashiwa.

Hezwi zwi khou itiswa nga vhuḓifhinduleli ha thendelano vhu sa athu tandululwaho na u pfuka mulayo zwo topolwaho na u ḓivhadzwa nga nḓila ya tshiofisi kha Bakwena Productions.

SABC yo isa phanḓa na u amba uri, u imisa ha mbekanyamushumo kha tshiimo hetshi a zwi ambi uri Pimville i ḓo fhela.

Khopharasi i khou isa phanḓa na u sedzulusa khetho dzo fhambanaho dza u shuma malugana na vhumatshelo ha mveledziso, nahone zwiṅwe zwidodombedzwa zwi ḓo ḓivhadzwa arali ha vha na mveledziso.

Vha Bakwena Productions Media Group vho bvisa tshitatamennde tsha nyanḓadzamafhungo nga murahu ha musi SABC yo kovhelana zwavho.

Vha hana mafhungo maṅwe na maṅwe a uri khaedu dzavho dza u bveledza ndi nga ṅwambo wavho.

Bakwena vha pomoka vha SABC uri a vha khou badela nga tshifhinga. 

“U pfuka thendelano lunzhi-lunzhi, u lenga u tendelwa, khaedu dza mushumo, u sa tendelana ha vhuvhusi na u sa badela zwo itwaho nga SABC zwo kwama vhukuma u bvela phanḓa ha mveledziso,” khamphani ya mveledziso yo ralo.

U engedza kha zwenezwo Bakwena yo kovhelana mbilaelo yavho khulwane nga ha u fheliswa ha Pimville.

Hezwi zwi amba u xelelwa nga mishumo kha vhatambi na miraḓo ya tshigwada, zwine zwa ḓo ita uri hu vhe na u thithisea hu vhaisaho vhutshiloni havho.

• VHALANI HAFHU : Kaizer Chiefs i khou sedza mugudisi na nnḓa ha Afrika Tshipembe

Nga zwenezwo vho humbela vha SABC uri vha songo vha bvisa sa vhabveledzi.