Brandon Petersen u amba nga u dzulela u sasaladzwa 

 Zwe zwa vha zwi tshi fanela u vha ḓuvha ḽa dakalo zwo shanduka zwa vha zwivhi kha Brandon Petersen musi a tshi humbula vhuleme he a sedzana naho.

Mulindavhuno wa Kaizer Chiefs o nangiwa sa Mutambi wa khwine kha mutambo musi vha tshi tamba nga 1-1 na Orlando Pirates kha mutambo wa Betway Premiership.

Maḓana a thimu dza shango dzo no ṱangana tshitediamu tsha FNB nahone Brandon Petersen o khoḓiwa nga u ita uri Chiefs i dzule i kha mutambo.

Fhedzi musi vha tshi amba nga murahu ha mutambo, vho bvisela khagala nndwa dzine vha tangana nadzo duvha na duvha kha u sedzana na u sasaladzwa hune vha hu wana.

“U dzulela u rwiwa musi u mulindavhuno,” ho amba Petersen. “Fhedzi zwi vha zwi si nga ha nṋe, zwi dzula zwi zwa thimu.

“Ndi livhuwa thikhedzo, nga maanḓa mufumakadzi wanga na muṱa wanga. Vhathu vha a zwi ḓivha zwine nda khou ita kha hoyu mutambo. Ndo ufha zwothe zwanga.

“U bva tshe nda dzhena kha Chiefs a zwo ngo vhuya zwa leluwa kha nṋe… Ndo vha ndi tshi dzulela u sedzesiwa, ndi tshi dzulela u sasaladzwa.

“Ndi ngazwo ndi tshi vuwa ndi tshi pfa vhuṱungu ngauri pfufho iyi a si yanga fhedzi – ndi ya muṅwe na muṅwe we a ntikedza.”

• VHALANI HAFHU : Lusanda Mbane u fhindula kha mavharivhari a PA yawe ya kale

O dovha a bvukulula uri u tamba zwavhuḓi ha thimu kha mutambo uyu a zwo ngo itiswa nga mashudu fhedzi ndi nga ṅwambo wa u ḓikumedzela hune vha hu ṋea ḓuvha ḽiṅwe na ḽiṅwe.