Divine Lunga u tenda uri Chiefs yo sia vhutungu ngei Chloorkop

Mutsireledzi wa thimu ya Mamelodi Sundowns Divine Lunga o tenda uri nyimele i kha di vhavha nga murahu ha musi vho xelelwa nga poindi mbili.

Sundowns yo wisa phoindi mbili musi i tshi tamba na kaizer chiefs kha mutambo wa betway premiership stadium tsha loftus ino vhege.

Mvelelo yo sia mbambe ya u dzhia tshiphuga yo vulea, nahone zwithu zwino zwi kha Orlando Pirates.

Divine Lunga o bvisela khagala uri mupo wa gammbani nga murahu ha mutambo wo vha u si wavhuḓi na luthihi.

Vhatambi vho pfa uri vho wisela fhasi poindi mbili dza ndeme kha mbambe ya u dzhia tshiphuga.

“Ro dinalea ngauri ro vha ri tshi ṱoḓa poindi dzo fhelelaho,” ho amba Divine Lunga.

“Wo vha mutambo u konḓaho nahone muhulwane. Muṅwe na muṅwe o vha o lavhelela uri ri ḓo kuvhanganya phoindi dzo fhelelaho.

“Vhatukana vho vha vho ṱungufhala vhukuma nga murahu ha mutambo. Fhedzi, ro lingedza u bvela phanḓa nga u ṱavhanya.”

Mutambi wa Zimbabwe naho zwo ralo o ombedzela uri thimu yo no ḓi sedza kha khaedu i tevhelaho.

“Ndi vhona unga vhatukana vho ita zwoṱhe zwine vha nga kona,” ho bvela phanḓa Divine Lunga.

“Zwino ri khou tea u sedza kha mutambo u tevhelaho. ” Sundowns i do tangana na Siwelele FC nga Mugivhela.

• VHALANI HAFHU: Kaizer Chiefs malugana na u huvhala ha Mduduzi Shabalala

Fhedzi u wina tshiphuga a zwi tsha vha zwanḓani zwavho. Zwine vha nga ita ndi u wina mitambo yavho mivhili.