Panama yo kunda Bafana Bafana Cape Town

Panama yo fhedza mutambo u takadzaho  nga u kunda Bafana Bafana nga 2-1 nga Ḽavhuvhili vhusiku.

Thimu ya South America yo vha i kha vhuimo havhuḓi na vhanna vha Hugo Broos, vha ḓi vula ndima ntswa.

Mutambo wo tambelwa phanda ha tshitediamu tsho dalaho vhatikedzi vhe vha vha vha tshi khou swela u vhona Bafana Bafana i tshi tamba zwavhuḓi .

Fhedzi naho thimu yo vha i kha fomo yavhuḓi, yo fheleledza yo gwadama.

Hoyu wo vha mutambo wa vhuvhili vhukati ha thimu mbili, wa u thoma ngei Durban wo fhela nga 1-1.

Ngei Kapa, ​​Panama na yone yo dzhia tshikoro tsha u thoma, fhedzi Bafana Bafana yo dovha ya wana fulufhelo nga u linganisa tshikoro.

Mutsireledzi Mbekezeli Mbokazi o mbo di posa bola yavhudi nga nnda ha bogisi, mulindavhuno la pfa nga vhathu uri yo vha i kha net.

Fhedzi musi zwi tshi tou vhonala uri Bafana i ḓo kora ya vhuvhili yayo ya kunda, vhaeni vho mbo ḓi kunda nga mutambo nga u ṱavhanya vha dzhia tshikoro tshavho tsha vhuvhili. 

Fhedzi zwi tea u bviselwa khagala uri Hugo Broos o vha o lingedza u ṱanganya vhatambi vhe vha vha vha songo ḓowela u tamba vhoṱhe kha hoyu mutambo.

• VHALANI HAFHU : Shebeshxt o wina zwihulwane kha pfufho dza Thobela FM 

Naho vho kundwa, nḓila ye thimu ya tamba ngayo yo vha yo fanela u mu sumbedza zwine a ṱoḓa u zwi vhona.