Mutambi wa sundowns o vhuyelela u guda na tshigwada

Mutsireledzi wa thimu ya Mamelodi Sundowns nga murahu ha musi o fhola musi o thuntshiwa nga zwigidi ngei Johannesburg.

Divine Lunga o huvhala nga murahu ha musi goloi yawe yo thuntshiwa nga tshifhinga tsha tshiwo tsha u tswiwa ngei Hillbrow nga Swondaha.

Mudzulapo wa Zimbabwe o vha a ndilani a tshi khou ya kerekeni musi a tshi tangana na tshiwo itshi.

Uya nga ha vhathu vha re tsini na mutambi uyu, oto tangana ngazwo musi vhanna vha re na zwigidi vha tshi khou lingedza u gevhenga muendela-nga-ṋayo.

“Ho vha hu tshiwo tshi si tshavhudi. Divine o vha a tshi khou reila BMW yawe ndilani ya u ya kerekeni, Magevhenga  vha humbula uri ndi goloi ya mapholisa vha thoma u mu thuntsha,” ho dzumbulula tshisima.

• VHALANI HAFHU:  Sello Maake kaNcube o amba nga ha Seputla Sebogodi  

“Vho vha vha tshi khou gevhenga muthu tshiṱaraṱani. Gulu yo rwa tshidulo tsha muṋameli nahone mashudu mavhuya, ho ngo huvhala. Mulandu wo vhigwa tshiṱitshini tsha mapholisa tsha Hillbrow.”

Lunga u khou lavhelelwa u vha tshipida tsha tshigwada tsha The Brazilians tsho vhetshelwaho u ya kha camp ya u thoma khalanwaha ngei Austria vhege i daho.