Zwiambaro zwa vhafumakadzi vha vhavenda.
Vhasidzana vha vhavenda vha thoma nga shedo, Musi musidzana o novha na maḓamu u ambara nwenda kha khundu kana nṱha ha maḓamu nyana.
Zwine zwa amba zwo nambatedzwa kha u lukiwa hune ha itwa kha Nwenda.
Musi ho no itwa mutevhe muthihi wa u ṱomola, zwi vha zwi tshi khou sumbedza uri muthu ha athu u vhingwa,
ngeno vhane vha vha uri vho vhingwa vha na Minwenda ine ya vha na mitevhe minzhi ya u ṱomola.
U mona na zwikunwane zwavho vhasidzana vha vhavenda vha ambara makunda zwa mahatsi, Mutate, vha saathu vhingwa; hezwi zwi bviswa musi a tshi wana zwienda zwa vhukuma kha mufunwa wawe.
Vhulungu ha Mapala vhu ambariwa nga vhasidzana na vhafumakadzi vhaṱuku nahone vha ḓivhadza uri “Ndi kha ḓi vha muswa nahone ndi a funesa sa luvha ḽine ḽa kunga ṋotshi. Ndi nga ni bebela vhana sa izwi ndi tshi kha ḓi vha na mbebo.”
Khomba ndi musidzana ane avha uri o no vha na minwaha ya u mala, u do vha a tshi kha di ambara shedo. Vhukunda ndi tshiga tsha u fulufhedzisana, ndi ngazwo vhavenḓa vha tshi ri: ‘Mmbwa ire na mune ivhonala nga tshiangaladzi’.
Zwine zwa amba uri ‘mmbwa ine ya vha na muṋe wayo i ḓivhiwa nga u ralo nga khoḽara ya mukulo.’
Thaula ya u ṱamba, Thaulo, ndi tshiambaro tsha ndeme tsha muvenḓa wa tsadzi. Mufumakadzi hu ambiwa uri o ambara zwavhuḓi musi a tshi ombedzela khundu dzawe nga thaula ṱhukhu.
Ano maḓuvha mufumakadzi u ambara thaula musi vha tshi ya vhuṱamboni ha Tshisevhesevhe.
Musi musidzana o fulufhedzisana munna u mu rengela thaula ya u fukedza tshifhaṱuwo tshawe ngayo arali a ṱangana na muṅwe wa vhane a khou fulufhedzisana nae.
Vhafumakadzi vho vhingaho vha ambara nga nḓila i ṱhonifheaho, nga zwenezwo vha ṱoḓa ṱhonifho kha tshitshavha.
O ambara Tshirivha –tshine tsha vha tsho itwa nga mukumba wa nngu kana mbudzi nahone tsho khavhiswa zwavhuḓi.
- Vhalani hafhu:U tikedza vhabebi vhaṋu vho no vhaho vhalala .
Vhakegulu, vho fhiraho u beba vhana, vha ambara mukumba une wa fana na wa Tshirivha fhedzi wo itwa nga mukumba wa mbudzi wo fhelela na ṱhoho na mukulo