DJ Sbu o hanedza mavharivhari a mutumanaho na vhuaḓa

Kha tshitatamennde tsha tshiofisi tsho bviswaho nga Musumbuluwo, 09, Luhuhi, 2026, Sbu o landula mavharivhari o itwaho nga ṱhoho ya Ekurhuleni yo imiswaho mushumoni ya Tshumelo dza Mulayo na Khombo.

Ramilayo Kemi Behari, a tshi a ṱalusa sa “mazwifhi, a kanganyisaho, na a si na vhuṱanzi.”

Behari o vha o ṋea vhuṱanzi ha uri DJ Sbu na ramabindu Thembinkosi “TK” Nciza vho vhuelwa nga masheleni a masipala o vhetshelwaho zwiitea na magavhelo a fhiraho R100 milioni.

“Mavharivhari aya, ane a lingedza u dzhenisa  nṋe na ramabindu Vho-Thembinkosi TK Nciza, ndi mazwifhi tshoṱhe, a tshinya dzina, nahone a si na vhuṱanzi,” DJ Sbu o ralo.

“Ndi hanedza tshoṱhe uri ndo dzhenelela kha vhukhakhi, vhuḓifari vhu si havhuḓi, kana mushumo u si wavhuḓi wa mufuda naho u ufhio.”

DJ Sbu uri ha na mbilaelo uri zwine zwa khou ambiwa zwi khou shumiswa u bvisa ṱhogomelo kha maṅwe mafhungo a nga ngomu nga ngomu ha masipala.

Vho isa phanḓa na u pomoka uri masipala wo xelelwa nga tshelede yo engedzwaho ya R200 miḽioni nga nṱhani ha ndaulo i si yavhuḓi ya mitengo.

DJ Sbu o dovha a sumbedza uri u khou humbula u dzhia vhukando ha mulayo.

• VHALANI HAFHU: Kamogelo u amba nga u huvhala a khou bvo dzhena kha Bucs

  O phetha nga u ṱuṱuwedza tshitshavha na vhoramafhungo uri vha khwaṱhisedze mafhungo phanḓa ha musi vha tshi a phaḓaladza.

Ngeno a tshi khou khwa ṱhisedza u ḓiimisela hawe u shumisana na ṱhoḓisiso dzi re mulayoni.