Kamogelo u amba nga u huvhala a khou bvo dzhena kha Bucs
Mutambi wa Orlando Pirates Kamogelo Sebelebele o vula nga ha huvhala hawe he ha thithisa khalanwaha yawe ya u thoma na Buccaneers.
Mutambi wa murahu ane o dzhena kha Oirates u bva kha TS Galaxy sa muthu we a vha a tshi khou mangadza musi khalanwaha i tshi thoma.
Naho o xelelwa nga mitambo i si gathi ya tshigwada tshawe tshiswa mathomoni a khalanwaha, Sebelele o shumisa tshikhala tshawe zwavhuḓi.
O dovha a vhidzwa kha Bafana Bafana, naho mvelaphanḓa yawe nga murahu yo vha i tshi ḓo fhungudzwa nga ṅwambo wa u huvhala.
Sebelebele o amba uri u huvhala hawe zwo mu rovha mbilu.
“Ndo vhaisala mbilu. Ndo vha ndi songo lavhelela u huvhala hu si kale.
“Zwi a vhaisala mbilu yanga musi ndi tshi xelelwa nga mitambo, fhedzi arali thimu i tshi khou tamba zwavhuḓi, ndi a takala. Ndi ḓo vha tikedza lwa tshoṱhe, naho ndo huvhala.”
Sebelebele o no vhuyelela kha u gudiswa ho fhelelaho nahone o vha e na tshigwada tsha u gudiswa vhukati ha ṅwedzi wa Phando.