Chiefs yo divhadza u sainwa ha mutambi muswa

Kaizer chiefs yo ḓivhadza lwa tshiofisi u saina mutambi wa vhukati wa Tanzania Adolf Mtasingwa Bitegeko u bva kha iṅwe ya kilabu khulwanesa dza shango, Azam FC.

Amakhosi yo ḓivhadza mafhungo aya nga Musumbuluwo nga masiari nga murahu ha musi yo fhedza nyambedzano na Azam FC. Mbadelo ya mutambi a yo ngo bviselwa khagala.

Mutambi uyu wa minwaha ya 27 o dzhena kha Chiefs nga murahu ha u vha mukaputeni wa Azam FC, he a ḓitika sa muṅwe wa vhatambi vha vhukati vha Tanzania.

U saina hawe zwi ita ḓivhazwakale sa izwi a tshi vha mutambi wa u thoma wa Tanzania u tamba kha Kaizer Chiefs.

 U swika zwino, vhatambi vha bvaho kha mashango a fhiraho 20 vho no tamba kha Amakhosi.

Mtasingwa u khou lavhelelwa u disa vhurangaphanda, maanda na u dzika vhukati ha mudavhi musi Chiefs i tshi khou isa phanda na u fhata tshigwada tshine tsha do ita khaedu kha zwiphuga kha khalanwaha ntswa.

U swika hawe zwi dovha zwa sumbedza uri Amakhosi yo diimisela u khwathisa sa izwi vhatikedzi vho vha vha tshi khou vhilaedziswa nga u fhumula havho kha makete wa vhatambi.

• VHALANI HAFHU : Alphi Mkhwanazi kha mushumo wa u fara tshiitea tshi takadzaho

Vhatikedzi vha Kaizer Chiefs vha do vha vho lindela u vhona uri mutambi uyu u do tavhanya hani u ḓowela bola ya milenzhe ya Afrika Tshipembe.