Benni o ḓi bvisa kha mushumo wa Bafana Bafana

Benni McCarthy o ḓi bvisa kha mushumo wa u gudisa Bafana Bafana fhedzi o tikedza mugudisi muthihi wapo uri a dzhie vhuimo ha Broos.

Musi mugudisi muhulwane wa zwino Hugo Broos a tshi khou fhelisa mushumo wawe kha Bafana nga murahu ha World Cup ya 2026, Dzangano ḽa Bola ya Milenzhe ḽa Afrika Tshipembe (Safa) ḽi kha ḓi ḓo wana muthu ane a ḓo mu dzhiela vhudzulo.

McCarthy, we a vha e muṅwe wa madzina o poswaho sa mutevheli wa Broos, o ḓi bvisa sa nkhetheni, a posa dzina ḽa Jingles .

Musi vha tshi khou amba na Andile Ncube kha Metro FM, mutambi wa kale wa Orlando Pirates o vhudziswa arali a tshi nga ṱoḓa u dzhia vhudzulo ha Broos.

“Mugudisi Pitso u na vouthu yanga kha zwenezwo. Ndi vhona unga o tewa nga tshinwe tshikhala. Ndi mugudisi a re na bvumo vhukuma we a bva kha shango ili,” McCarthy o vhudza Metro FM.

BENNI URI PITSO KHA NEIWE TSHIKHALA
“U a ḓivha, o ita zwi mangadzaho. O ita zwavhuḓi vhukuma hoṱhe he a ya hone. Rekhodo yawe i a ḓiamba, nahone u khou vula miṋango sa zwe nda ita kha bola ya milenzhe sa mutambi.

Mosimane o vha e muthusi wa mugudisi wa Bafana nga maḓuvha a Benni a tshi khou tamba nahone vhagudisi vhavhili vha na vhushaka ha u ṱanganelana na u ṱhonifhana.

Nga murahu ha World Cup ya 2010, Jingles o huliswa a vha mugudisi muhulwane wa thimu ya lushaka, fhedzi o dzhula lwa tshifhinga  tshi sa athu swika miṅwaha mivhili.

• VHALANI HAFHU: Mohafe uri Orlando Pirates ‘is not make sure’ kha ligi

“Ndi humbula uri o vha a tshee muswa; o vha a tshi kha ḓi tou bva u dzhena kha mushumo wawe wa u gudisa musi a tshi wana tshikhala tsha u langa nga murahu ha 2010.

“Ndi humbula uri zwino tshenzhemo na nḓivho ye a i wana, u ḓo vha mugudisi wanga wavhuḓi wa Bafana. Arali vha dzhia tsheo ya u ya kha yeneyo nḓila,” McCarthy o ralo.