Master KG o vala mafhungo a uri u khou funana na ex ya podcaster
Mubveledzi o winaho pfufho Master KG o bva mulomo nga murahu ha musi o ṱumana na musidzana wa kale wa podcaster kha mafhungo maswa a u funana e a phadalala vhuuma kha inthanethe.
Mafhungo o thoma u phaḓalala kha zwileludzi zwa vhudavhidzani, zwa ita uri muṅwali wa dzi-blog dza zwa vhuḓimvumvusi Maphephandaba a swikelele thwii kha mubveledzi wa nyimbo dza Jerusalema u itela u bviselwa khagala.
Nga Ḽavhuraru, ḽa 4 Ṱhafamuhwe 2026, muṅwali wa blogger o kovhelana zwifanyiso zwa nyambedzano yavho ine ya khou humbulelwa na ṋaledzi yo bebwaho Limpopo.
Master KG o hanedza nga ho khwaṱhaho uri o vha e na vhushaka ha lufuno na mufumakadzi ane a khou ambiwa nga hae, Naquueda.
” A thi khou funana na houḽa musidzana. Ndo ni rumela uri ni sumbedze uri a hu na na DM nthihi,” hu pfi o amba nga u ralo.
O dovha a sumbedza u dinalea nga nḓila ye mafhungo a ṱavhanya u phaḓalala ngayo hu si na u khwaṱhisedzwa.
“Vhathu vha tea u ni rumela vhuṱanzi. Hezwi zwithu zwa u sokou thoma mavharivhari a si zwone,” ho vhaliwa muṅwe mulaedza.
- VHALANI HAFHU: Benni o ḓi bvisa kha mushumo wa Bafana Bafana
Mafhungo aya o vha o ṱuṱuwedzwa nga mafhungo a bvaho kha tshisima tshine tsha khou humbulelwa uri tsho sumbedza uri Naquueda o fhelisa vhushaka hawe na mufunwa wawe wa podcaster, Bruce, kha Master KG.