Broos u ṱalutshedza uri ndi ngani o nanga Cross

Mugudisi wa thimu ya Bafana Bafana Vho-Hugo Broos vho nanga mutambi wa murahu wa Kaizer Chiefs Brandley Cross zwe zwa mangadza vhanzhi.

Fhedzi Broos u na tshiitisi tshawe tsho vhalelwaho tsha u nanga Naturena, mutambi wa murahu wa tsha monde.

Broos o vhala uri, ha sokou nanga mutambi ngauri ḓuvha ḽi a mu penyela, vhathu vha amba nga hae, fhedzi u saina nga mishumo yawe.

“A ri vhidzi vhatambi ngauri ḓuvha ḽi khou mu penyela kana zwiṅwe zwithu,” Broos o ralo.

“Cross o vha e na riṋe lwa miṅwaha i ṱoḓaho u vha mivhili yo fhiraho. Thaidzo yo vhangwa nga vhuimo hawe kha Chiefs.

“U swika zwino kha ino khalanwaha, vhuimo  hawe kha Chiefs ho vha vhu khwine vhukuma.
Thaidzo ine ra tangana nayo ndi ṱhukhu fhedzi, ndi ya Modiba.

• VHALANI HAFHU : Tshikolo tsha Waterval High tshi do fhaṱiwa hafhu, vho ralo MEC

“Naho ri na Kabini kha  u tikedza Modiba. Ndi tshone tshiitisi, fhedzi a si tshone tshiitisi tshe tsha ita uri ri vhidze Brandley .”