DJ Fresh kha tshiṅwe tsha zwiṱitshi zwa Radio zwi rangaho phanḓa Afrika Tshipembe

Vhunzhi ha vhafuni vha radio vho vha vho lavhelela nḓivhadzo yo raloho. Thato Sikwane, ane a divhea khwine sa DJ Fresh o ṱuwa kha 947 nga 2021, zwezwa vhaisa mbilu dza vhafuni vhawe.

Nga murahu ha zwenezwo ho mbo ḓi vha na mavharivhari a uri Fresh u vhukati ha vhahali vha radio, vhane vha khou vhumba yavho.

Hezwo zwo sokou sala zwi mafhungo naho zwo ralo. Ṅwaha wo fhiraho, o ḓivhadza mbekanyamushumo ntswa ya 938 Fresh Breakfast, kha tshiṱitshi tshiswa tsha radio kha inthanethe.

Fresh u  dovha a vha na podcast ine ya pfi What A Week (WAW), hune vhatambi vhanzhi vho vha vhaeni khayo.

Kha mafhungo mahulwane vhukuma Kaya 959 yo no divhadza uri Fresh u khou vha dzhoina.

U do vha muhashi wa mbekanyamushumo yayo ya vhuragani u bva nga Musumbuluwo, ḽa 1 Fulwi 2026.

U shumisana na mushumisani wawe wa tshifhinga tshilapfu muyani na mubveledzi a fulufhedzeaho, Thato Mataboge.

DJ Fresh u ḓo ḓisa maanḓa awe a sa timatimisiwi, vhuṱali, na ndango kha vhathetshelesi ḓuvha ḽiṅwe na ḽiṅwe ḽa vhege u bva nga 06:00-09:00.

Mbekanyamushumo ntswa ya vhuragani i ḓo ṱanganya muzika wavhuḓi, nyambedzano dzi kwamaho, miswaswo,  nḓila ya vhutshilo na vhumuthu ho khetheaho he ha ita uri DJ Fresh a vhe muṅwe wa ṋaledzi dza nyanḓadzamafhungo dzi konḓelelaho Afrika Tshipembe.

• VHALANI HAFHU: Broos u ṱalutshedza uri ndi ngani o nanga Cross

  Kha vhathetshelesi, zwi sumbedza u swika ha mbekanyamushumo ya vhuragani ine ya fulufhedzisa u vha khulwane, ya tshivhindi na u takadza u fhira naho hu lini.