Mulanguli wa Mabasa kha tsiimo tsha Mabasa na Pyramids

 Ho bvelela tshithithisi tshine tsha nga ita uri zwi konḓele Tshegofatso Mabasa u dzhena kha thimu ya Egypt ya Pyramids FC sa zwe zwa vhigwa zwone kale.

Mulanguli wa uyu mutambi, Gary Cassisa, o amba nga ha mivhigo ine ya khou ṱumanya mutambi uyu na Rulani Mokwena.

Cassisa o tenda uri  hu na dzangalelo vhukuma, fhedzi a hu athu khwaṱhisedzwa tshithu.

Mabasa u shaya kilabu nga murahu ha musi thendelano yawe na Orlando pirates yo fhela nga nwedzi wa Fulwi.

Mutambi uyu wa minwaha ya 29 u khou toda tshigwada tshiswa phanda ha season ya 2026/27.

O ṱuwa kha Pirates o no kora zwikoro zwa 50. Zwenezwo zwi mu sia a tshi kha ḓi vha na zwikoro zwa 8 u itela u lingana na rekhodo ya Benedict ‘Tso’ Vilakazi.

Zwa zwino, ho vhigwa uri a nga dzhena kha Pyramids FC. Fhedzi-ha, Vho-Cassisa vhari hu na thaidzo khulwane ine ya khou thivhela thendelano iyi.

“Malugana na Tshegofatso Mabasa, a hu athu khwaṱhisedzwa tshithu, hu na dzangalelo fhedzi,” Cassisa o vhudza FARPost.

“Thaidzo ndi ya uri ngei Egypt dzi kilaba dzi tendelwa vhatambi vha rathi vha nnḓa fhedzi. Pyramids yo ḓadza tshenetsho tshikhala.”

Vho amba uri tshigwada tshi ḓo ya kha tshiṱitshi tsha pre-season nnḓa ha Egypt.

• VHALANI HAFHU : Mme a Botlhale Boikanyo vho mu surprise nga goloi ntswa

Zwi amba uri u do vhuya hayani nga Thangule. Vho-Cassisa vhari Tshegofatso Mabasa a nga si kone u lindela tshifhinga tshilapfu uri vha Pyramids i bvisele khagala nga havho.