Ṅwedzi wa Tshimedzi,Ṅwedzi wa khentsa ya ḓamu
Mishonga, Zwiliwa

Ṅwedzi wa Tshimedzi,Ṅwedzi wa khentsa ya ḓamu

Ṅwedzi uyu a si wa u sokou kungela  dzi riboni dza pinki fhedzi fhedzi.

Musi vhaṅwe vha  tshi pfa vho ṱuṱuwedzea, vhathu vhanzhi vhane vha khou tshila na khentsa ya maḓamu vha pfa u nga ṅwedzi u khou dzhiela fhasi tshenzhemo yavho na vhulwadze.

Ṅwedzi wa u ḓivhadza nga ha khentsa ya maḓamu u nga amba zwithu zwo fhambanaho kha vhathu vho fhambanaho.

Kha vhaṅwe, ndi tshihumbudzi — maḓuvha a 31 a zwihumbudzo zwa pinki-riboni zwa vhulwadze he ha vha shandula lwa tshoṱhe.

Ṅwedzi wo sedza kha u ṱuṱuwedza u ṱola na u fhungudza khombo ya vhulwadze, vhune ha kwama vhafumakadzi vha 2.3 miḽioni ḽifhasini ḽoṱhe.

I ḓivhelwa muvhala wayo wa thero ya pinki, ṅwedzi u na tshivhalo tsha mafulo na mbekanyamushumo dzo itelwaho:

  • U tikedza vhathu vho wanalaho vhe na khentsa ya ḓamu, hu tshi katelwa na vhane vha vha na khentsa ya ḓamu yo no phaḓalalaho
  • U gudisa vhathu nga ha khombo ya khentsa ya maḓamu
  • U ṱuṱuwedza vhafumakadzi uri vha ye u ṱoliwa khentsa ya maḓamu tshifhinga tshoṱhe u thoma vha na miṅwaha ya 40 kana u fhira, zwi tshi bva kha khombo ya khentsa ya maḓamu ya muthu nga eṱhe .
  • U kuvhanganya masheleni a ṱhoḓisiso ya khentsa ya maḓamu

Naho khentsa ya maḓamu yo ḓowelea vhukuma kha vhafumakadzi, khentsa ya maḓamu i kwama na vhanna.

 Nga 2021, Muphuresidennde Vho Joe Biden vho vhea ḽa 17  Tshimedzi u ya kha ḽa 23 Tshimedzi sa vhege ya Nḓivho ya Khentsa ya Maḓamu ya Vhanna.

U ya nga American Cancer Society, vhanna vha ṱoḓaho u vha 2 800 ngei U.S. vha ḓo wanala vhe na khentsara ya maḓamu nga 2025, nahone vha ṱoḓaho u vha 510 vha khou lavhelelwa u lovha nga vhulwadze uvhu.

Translated By Nthaduleni Rolivhuwa