Vha Gallants vho bva mulomo kha mafhungo a mulayo a Swallows

Marumo Gallants vho bva mulomo kha mafhungo a mulayo ane a kwama u renga vhuimo ha nṱha ha tshigwada tsha Moroka Swallows FC.

Vha Soweto vho khansela thengiso ya vhuimo havho ha u vha kha tshigwada tsha nṱha kha Bahlabane Ba Ntwa musi vha songo fhedza u badela.

Muvhigo wo isa phanḓa na u amba uri Swallows yo vha i tshi khou ṱoḓa ndaela ya khothe ya u kombetshedza u fheliswa ha thengiso, ye ya thoma nga ṅwedzi wa Fulwi 2024.

“Marumo Gallants FC i khwathisedza uri kilabu yo wana maṅwalo a khothe a elanaho na mafhungo a Moroka Swallows nga Ḽavhuṱanu ḽo fhiraho,” hu vhaliwa kha tshitatamennde tsha kilabu.

“Nga hetshi tshifhinga, sa izwi mafhungo a phanḓa ha khothe, Kiḽaba a i nga ḓo vha i tshi khou bvela phanḓa na u ṋea vhupfiwa ha tshitshavha kana u shela mulenzhe kha nyambedzano dza nyanḓadzamafhungo malugana na fhungo iḽi.

“Marumo Gallants FC i ṱhonifha maitele a mulayo nahone i ḓo tendela mafhungo a tshi bvela phanḓa nga nḓila dzo teaho dza vhuhaṱuli.

“Kiḽaba i tama u fulufhedzisa vhatikedzi vhayo, vhashumisani na vhakwamei uri mishumo i khou bvela phanḓa sa nga misi.

“Vhulanguli, vhashumi vha thekhinikhala na vhatambi vha kha ḓi vha vho livhisa ṱhogomelo yoṱhe kha ndugiselo na vhuḓikumedzeli vhu bvelaho phanda musi khalanwaha i kho swika magumoni.

“Marumo Gallants FC i livhuwa thikhedzo na u pfesesa zwine zwa khou bvela phanḓa u bva kha vhatikedzi vhayo na vhashumisani vhayo nga hetshi tshifhinga.

• VHALANI HAFHU: Neliswa o bviswa kha  Big Brother Mzansi nga vhuḓifari hawe  

“Ṱhogomelo ya thimu i kha ḓi vha yo khwaṱha kha mafhungo a bola ya milenzhe musi ndugiselo dzi tshi khou bvela phanḓa dza mutambo une wa khou ḓa nga ḽa 1 Ṱhafamuhwe 2026 na Durban City.”