Nandi Madida u dzhia tshifhinga u livhuwa vhabebi vhawe
Nandi Madida u dzhia tshifhinga u livhuwa ngudo iṅwe na iṅwe i bvaho kha vhabebi vhawe vha Lufuno.
Tshithu tshithihi nga ha Nanid Madida, ndi muhulwane kha muṱa. Tshikhala tshiṅwe na tshiṅwe tshine a tshi wana, u hulisa vhafuniwa vhawe.
Zwazwino ndi vhabebi vhawe, vhane a vha khoḓa nga u mugudisa mikhwa yavhuḓi.
“Miṅwaha ya 66 kha ḽino ḽifhasi a i athu vhuya ya vhonala i yavhuḓi nga u rali !
Ndo guda zwinzhi vhukuma nga ha u vha mubebi nga kha vhenevha vhathu vhavhili vha sa tendisei. Vhabebi vhanga .
U bva kha ballet, piano, tennis, hockey, u namela bere, dzi pageant, u ṱaṱisana na golf u swika kha u vha tshipiḓa tsha Durban Youth Council, muhashi kha SABC 2 vhabebi vhanga vho vha vho ḓiimisela u ṱanganya vhana vhavho na tshenzhemo nnzhi na zwikhala nga hune zwa konadzea ngaho.
Vho vha vha tshi pfesesa ndeme ya u ri ṋea vhukoni, fulufhelo na u pfesesa ho ṱanḓavhuwaho ha ḽifhasi.
Nḓila ye vha vha vha tshi shumisa ngayo u vha mubebi yo vhumba vhukuma zwine nda vha zwone ṋamusi, nahone ndi ifa ḽine nda ḓiimisela u ḽi isa phanḓa musi ndi tshi khou alusa vhananga na u vha lugisela vhuhulwane.
Ndi tshiṅwe tsha zwiitisi zwe zwa ita uri ndi thome The Motherhood Network.
Ndo vha ndi tshi ṱoḓa u sika pulatifomo ine ya ṋea maanḓa, u gudisa na u ṱuṱuwedza vhomme musi ri tshi khou tshimbila kha zwipiḓa zwinzhi zwo fhambanaho zwa vhumme, nga kha nyambedzano dzi re na ndivho, mavhonele o fhambanaho na vhaeni vhane vha vha na zwinzhi zwine vha nga ri funza zwone.
U vha mubebi ndi u ṱhogomela uri miṅwaha ine ra vha nayo ya u alusa, u livhisa na u lugisela vhana vhashu ndi ya ndeme.
Zwine ra vha shela ṋamusi zwi vha tshipiḓa tsha zwine vha vha zwone matshelo.
- VHALANI ZWINWE : Sweet Guluva o takulelwa nṱha nga pfufho khulwane ya Afrika
Ndi funa havha vhathu vhavhili zwi sa ambiwi. Vhabebi vhanga vha funwaho, ndi livhuwa tshoṱhe lufuno, u ḓikumedzela na zwikhala zwe na ri ṋea zwone
Hezwi ndi zwine ifa ḽa amba zwone kha nṋe. ,” Nandi o amba nga u livhuwa.