Da Cruz u khwaṱhisa fulufhelo ḽa Chiefs phanḓa ha Soweto Derby

Mugudisi muhulwane wa Kaizer Chiefs, Fernando Da Cruz, o bvisa mulaedza wa u fulufhela tshigwada tshawe musi hu tshi swika mutambo muhulu wa Soweto Derby.

Ndi mutambo une wa dzhiiwa sa muhulu vhukuma kha bolo ya Afrika Tshipembe, nahone thikithi dzo fhela nga awara dza rathi fhedzi, zwi tshi sumbedza ndeme khulwane ya uyu mutambo.

Chiefs vha khou dzhena kha uyu mutambo vha tshi bva kha gundo ḽa 3-0 kha TS Galaxy kha Carling Knockout.

Gundo iḽi ḽo dovha ḽa vhaṋea maanda maswa nga murahu ha u bviswa kha CAF Confederation Cup nga phenalithi.

Nga tshifhinga tshenetsho, Da Cruz o dovha a tikedzwa nga Sporting Director naho hu na mivelaphanḓa ya mitambo miṱanu yo fhela i songo wana gundo na ḽithihi kha Betway Premiership, na u bva kha MTN8 na CAF Confed Cup.

Da Cruz, ane iyi i vha Soweto Derby ya u thoma kha ene, o amba a tshi khwathisedza ari “Uyu ndi mutambo wa ndeme vhukuma Afrika Tshipembe, nahone ndi muthihi wa mitambo ya nṱha Afrika.”

O engedza a ri mutambo uyu “u tanganya shango, fhedzi wa ita tshifhinga tshavhuḓi kha bolo ya Afrika Tshipembe.”

Mugudisi  uyu o dovha a bvela phanḓa a tshi ri tshigwada tshawe tsho shuma zwavhuḓi heyi vhege, ngauri vho lugela nndwa i lemelaho na tshigwada tshihulwane.

• VHALANI ZWINWE : Barker o tsivhudza Pirates u vha na maanḓa kha mitambo ya CAf  

Nga ha maitele a zwino, Da Cruz o ri u hwala zwikoro zwiraru u sa kundwi zwi engedza fulufhelo nga maanḓa.

Naho zwo ralo, o sumbedza uri tshigwada tshi tea u dzula tshi tshi khwinisa kha zwiṅwe zwoṱhe.

Mulaedza wawe muhulu ndi uri Chiefs vha tea u dzhena kha derby vho khwaṱha, vho dzika, nahone vho lugela nga vhuḓalo.