Tshinepe tsha AI tsha phori na Mawhoo tsho phaḓaladwa

Tshinepe tsha AI tsha phori na Mawhoo vha tshi khou mamana tsho phaḓalala.

DJ Maphorisa na Mawoo vho dovha vha di wana vhe vhukati ha mafhungo a u funana nga murahu ha musi sethe ya zwifanyiso zwo bveledzwaho nga AI zwa vhavhili avha zwo no phaḓalala kha inthanethe.

Zwifanyiso, zwe zwa thoma u phaḓalala kha inthanethe nga ḽa 15 Ṱhafamuhwe 2026, zwo sumbedza vhaimbi vhavhili vha tshi vhonala vho ḓigeda fhethu hune ha vhonala sa tshiitea.

Kha tshiṅwe tsha zwifanyiso, vho vha vha tshi sumbedzwa vha tshi khou mamana.

Zwifanyiso zwo kovhelwa nga mushumisi wa X nahone zwa ṱavhanya u wana ṱhuṱhuwedzo, zwa vusa mahumbulele a uri avha vhavhili vha nga vha vha tshi khou funana.

Mafhungo a si maswa tshoṱhe; murahu nga 2025, muthu wa muzika Tebogo G Mashego o vha o amba nga tshifhinga tsha inwe ya dzi rants dzawe dza inthanethe uri vhenevha vhavhili vha khou vhonana nga tshiphirini.

Zwenezwo zwo mbo ḓi dovhololwa nga murahu nga Sfiso ‘Mafitsotso’ Ndlovu, we a amba uri MaWhoo o vhonwa a tshi khou reila iṅwe ya goloi dza vhuimo ha nṱha dza phori, zwa dovha zwa ṋaṋisa mafhungo nga ha vhushaka havho.

Naho hu tshi khou bvela phanḓa na u ṱaṱisana, Mawhoo o vha o no vala mafhungo aya tshifhingani tsho fhiraho, a zwi bvisela khagala uri ha ngo vha na vhushaka ha lufuno na muthu kha nḓowetshumo.

“A thi athu u funana na muthu kha nḓowetshumo,” o ralo nga tshenetsho tshifhinga.

• VHALANI HAFHU: Ertugral o sasaladza tsheo ya Caf ya Afcon

Naho zwo ralo, u vusuludzwa ha zwifanyiso zwo bveledzwaho nga AI zwo dovha zwa vusa ruvhuruvhu kha inthanethe.