Thikhithi dza Soweto derby dzo fhela nga duvha lithihi

Thikhithi dza Soweto derby ine ya do vha hone mafheloni a nwedzi u daho dzo dovha dza rengiswa nga duvha lithihi.

Thikhithi dza munwe wa mitambo yo lavhelelwaho vhukuma kha shango dzo thoma u rengiswa nga Musumbuluwo.

Fhedzi nga matsheloni a Ḽavhuvhili, vho vha vho no rengisa dzothe – zwo khwaṱhisedzwa nga Orlando Pirates, vhaṋe vha mutambo.

Thikhihi dza Soweto derby dzo thoma u rengiswa hu tshe na tshifhinga tshilapfu u itela u iledza u tshuwa kha vhatikedzi.

Fhedzi zwi tou vha khagala uri zwenezwo a zwo ngo thusa sa izwi vhatikedzi vha tshi ṱavhanya u dzi renga dzoṱhe hu sa athu fhela ḓuvha ḽe dza bviswa ngaḽo.

Pirates i do tangana na vhapikisi vhayo vha kale vha Kaizer Chiefs kha mutambo uyu nga dzi 26 dza Lambamai.

U fana na mitambo yoṱhe ya derby ya Soweto, mutambo u ḓo farelwa FNB Stadium, tshitediamu tshine tsha kona u dzula vhathu vha ṱoḓaho u vha 100 000.

Lwa u fhedzisela hedzi dzi giant mbili dzi tshi tangana ndi mafheloni a nwedzi wa Fulwi, Pirates yo sumbedza vhapikisi vhayo.

Vho kundwa nga 3-0, zwe zwa ita uri vhatikedzi vha gungula uri vhagudisi vhavho vha tshifhinganyana a vha khou swika kha vhuimo.

Zwe zwa tshuwisa vhukuma vhagudisi – Khalil Ben Youssef na Cedric Kaze – ndi u dovha vha kundwa nga Richards Bay kha mutambo u tevhelaho.

• VHALANI HAFHU: Chris Brown o mamana na mufuni o malaho vhukati ha khontsathi

Fhedzi ubva tsheetsho, Chiefs yo wina mitambo mivhili nga u tou tevhekana, zwe zwa rothodza mbilu dza vhatikedzi.