Clicks i khou vula ndila ntswa nga KwaMakhi u swikelela makete wa township
Clicks i khou livhisa maano ayo kha makete wa vharengi vha township Afrika Tshipembe nga u ḓisa fomathi ntswa ya sitoro ine ya pfi KwaMakhi.
Ndivho ndi u imisa vhukhakhi kha muthu ane a renga tshiphazani na vha rengisaho nga mitengo ya fhasi, musi hu tshi khou ṱoḓea ndila i konaho u swikelela tshitshavha tsha henefho.
shopho ya u thoma ya KwaMakhi yo no vulwa Tembisa. Khamphani yo dovha ya sumbedza uri hu khou dzudzanywa u vula dziṅwe Khayelitsha na Cravenby ngei Western Cape.
Nga maano ayo a zwino, Clicks i ṱoḓa u vha na mashopho a KwaMakhi a fumi zwi tshi khou shuma musi ṅwaha u sa athu fhela.
Mashopho a KwaMakhi ndi ,aṱukhu vhukuma u fhira mashopho tshiofisi a Clicks.
A ḓo livhisa kha zwishumiswa zwa ndeme zwa ḓuvha na ḓuvha, zwi katela zwibveledzwa zwa vhana, u di thogomela, lunako, zwishumiswa zwa nduni, na front-shop healthcare products.
Hu ḓo dovha ha vha na dzi phakhethu thukhu u thusa vharengi vha re na tshelede ṱhukhu, vhane vha rengaho kanzhi.
CEO wa Clicks, Bertina Engelbrecht, o ṱalutshedza uri fomathi iyi yo itelwa u swikelela mivhundu ye mashopho a tshiofisi a khamphani a vha a sa koni u vha swikelela.
O amba a ri: “Fomathi iyi i ri thusa u swikelela tshitshavha tshine mashopho ashu a sa koni u tshi shumela.” O
Clicks i vhona KwaMakhi sa inzhini khulwane ya u aluwa ha bindu , hu sa gumi Afrika Tshipembe fhedzi, fhedzi hu tshi nga isa na kha miṅwe mivhundu ya nnḓa ha shango.