Luambo lune lwa shumiswa nga Vhavenda

Luambo ndi nḓila ine vhathu vha I shumisa uri vha kone u davhidzana. Luambo lu ita uri vhathu vha kone u ṱahisa mihumbulo yavho.

Luambo lune lwa ambiwa nga vhavenda lu ḓivhea sa Tshivenda kana Luvenda.

Maipfi a hone a fana na a tshiSotho, fhedzi a dovha a vha na zwithu zwinzhi zwi fanaho na nyambo dza Tshishona.

Ṋamusi, ndi luṅwe lwa nyambo dza 11 dza tshiofisi Afrika Tshipembe.

Vhathu vha swikaho 650,000 vha dzula vunduni la Limpopo nahone vha amba Tshivenda.

Kha Tshivenda huna nyambotavhi nnzhi dzi katelaho: tshiphani, tshiguvhu, tshilembetu,tshironga, tshiilafuri, tshimanda na Tshimbedzi.

Tshiphani tshi ambiwa ha Tshivhasa na mivhunduni ya Hamphaila.

Tshi dziiwa hut shone Tshivenda tsha vhukuma ngauri a tshina ṱhuṱhuedzo ubva kha dzinwe nyambo.

Ndi tshone tsho rwelwaho tari khau shumisa kha zwithu zwothe zwa tshiofisi.

Tshiguvhu ndi nyambotavhi ine ya ambiwa Hamulima, Tshivhuyuni, Hamasakona. Tsho wana ṱhuṱhuwedzo kha nyambotavhi ya tshisotho I ngaho Lobedu, Tlokwa na Hananwa.

Izwi zwobva kha uri vhavenda vha ambaho tshiguvhu vho tumana na vhathu vha ambaho tshisotho vha panga manwe maipfi a tshisotho kha luambo lwavho.

Tshilembetu ndi nyambo tavhi I ambiwaho Hatshikundamalema, Hamutele na Hamaṋenzhe.

Yo wana ṱhuṱhuwedzo I vaho kha nyambotavhi dza tshishona dzhine dzavha karanga.

Tshironga tshi ambiwa Mulenzhe, Hamasakona, Hadavhana, Tshakhuma.

Vhathu vhaambaho tshironga vho guda maipfi manzhi a tshitsonga zwezwa ṱuṱuwedza kubulele kwa mafhungo aho.

Tshimbedzi tshi ambiwa Harambuḓ, Makone, Hakhakhu, Tshaulu

Vhathu vhono amba Tshimbedzi vhana bodara nthihi na vhalembetu vhane vha vha na thuthuwedzo ya tshi karanga zwe zwa ita uri vha gude manwe maipfi a Tshilembetu.

Tshiilafuri ndi nyambotavhi ine ya ambiwa hakutama, Sinthumule, Nzhelele

Yo wana thuthuwedzo u bva kha vha Tlokwa nga maandesa kha maipfi. Vhailafuri vho guda luambo lwa vhatlokwa vha lu panga kha luambo lwavho.

Tshimanda ndi daileke I ambiwaho nga vhambedzi vha lomondo, Gwamasenga na luonde.