Rele Mofokeng o hanela mutikedzi wa Chiefs tshinepe
Ho vuwa nyambedzano kha zwileludzi zwa vhudavhidzani nga murahu ha musi ho no phaḓalala vidio ine ya sumbedza Rele Mofokeng a tshi khou hana u fodiwa tshinepe na mufuni wawe.
Naho zwi sa tou vha khagala, hu khou humbulelwa uri vidio iyi yo dzhiiwa nga Mugivhela nga masiari ngei Orlando Amstel Arena.
Pirates yo vha i tshi kha ḓi tou bva u kunda AmaZulu FC, ya vha kunda nga zwikoro zwiraru kha mutambo wa Betway Premiership ngei tshitediamu.
Kha video, Rele Mofokeng u vhonala a tshi khou pembelela na vhafuni vhawe, a tshi khou dzhia founu dzavho na u dzhia zwinepe.
Fhedzi muṅwe mufuni wa Kaizer Chiefs o mbo ḓi ḓa a mu ṋea founu yawe, na ene a tshi khou ṱoḓa u dzhia tshinepe na ṋaledzi.
Fhedzi musi Rele Mofokeng a tshi vhona uri mutikedzi o ambara jesi ya Chiefs, o mbo ḓi mu ṋea luṱingo lwawe murahu a ṱuwa, a mu sia o phema.
Vhaṅwe vho bvisa tshiwo itshi sa tshenzhemo, vha ri tshi bvisela khagala na u ṋaṋisa vhuswina vhukati ha thimu dza Soweto.
Fhedzi hu na vhane vha ri Mofokeng ha faneli u hangwa uri ndi muhali wa lushaka, sa vhunga e muhali wa Bafana Bafana.
Tshiwo itshi tshi khou bvelela musi Pirates i tshi khou tamba na Chiefs kha mutambo wo lavhelelwaho vhukuma nga Swondaha i daho.
U takalela mu tambo wo ita uri thikhithi dzi rengiswe hu sa athu fhela awara dzi si gathi dzo thoma u rengiswa nwedzi wo fhelaho. Kha vha sedze vidio i re afho fhasi: